Charles Hoff

Frå Wikipedia – det frie oppslagsverket
Hopp til navigering Hopp til søk
Charles Hoff

Charles Hoff.jpg

Statsborgarskap Noreg
Fødd 9. mai 1902
Fredrikstad
Død

19. februar 1985
Oslo

Idrett friidrett
Yrke journalist, friidrettsutøvar

Charles Teilman Hoff (9. mai 190220. februar 1985) var ein norsk friidrettsutøvar frå Fredrikstad som konkurrerte i stavhopp, lengdehopp, tresteghopp, samt korte løpsdistansar. Hoff var «en friidrettsbegavelse utover det vanlige... [m]ed sin hurtighet, styrke og smidighet hadde han rent spesielle forutsetninger for stavhopp, og hans stil i denn gren ble revolusjonerende».[1] Han var medlem av Torshaug IF. Far hans var i 1910 dreiarformann ved mekanisk verkstad.

Hoff sette ny verdsrekord i stavhopp med 4,12 meter under ein triangellandskamp mellom Danmark, Noreg og Sverige den 22. juli 1922 i København. Året etter forbetra han verdsrekorden til 4,21 m, og i 1925 til fyrst 4,23 m og seinare, under eit stemne i finske Åbo, til 4,25 meter. Hoff var i 1923 norsk rekordholdar også på 400 meter med 49,2 sekundar, 800 meter med 1,55,9 og i lengdehopp med 7,32 m.

Under ein turne i USA i 1923 braut han amatørvedtektene, og vart sidan erklært som profesjonell. I 1928 svinga han seg over 4,28 m i Trondheim, og den 27. september 1931 hoppa han 4,32 m i Hønefoss, men korkje hoppa vart ikkje godkjende som verdsrekordar av International Association of Athletics Federations (IAAF).

Hoff arbeidde som journalist i bladet Idrætsliv og så som redaktør i Sportsmanden fram til 1935. Frå hausten 1940 var han ekspedisjonssjef i det nazistiske idrettsdepartementet. Ved landssvikoppgjeret i 1947 vart han dømd til ni års straffearbeid.

Medaljar i norske meisterskap[endre | endre wikiteksten]

  • 1921: Sølvmedalje i stavhopp – 3,28 m
  • 1922: Gullmedaljar i stavhopp – 4,02 m, og tresteghopp – 14,38 m, samt sølvmedalje i lengdehopp – 6,98 m
  • 1923: Gullmedaljar på 200 m – 23,0, i stavhopp – 4 ,01 m, og i tresteghopp – 14,29 m, sølvmedalje i lengdehopp – 7,03 m
  • 1924: Gullmedaljar på 200 m – 22,5, og i stavhopp – 3,36 m
  • 1925: Gull i stavhopp – 4,10 m, sølv i lengdehopp – 7,41 m, bronse på 100 m – 10,9
  • 1933: Gullmedalje i stavhopp – 3,80 m

Kjelder[endre | endre wikiteksten]

  1. *Magnus Breili: Sport i navn & tall. 1971 s. 275