Christian Geelmuyden
| Christian Geelmuyden | |
| Fødd | 16. oktober 1816 Trondheim |
| Død | |
| Yrke | politikar |
Christian Torber Hegge Geelmuyden (16. oktober 1816–13. mai 1885) var ein norsk marineoffiser og politikar, fødd i Trondheim. Ivar Geelmuyden var ein yngre bror.
Liv og gjerning[endre | endre wikiteksten]
Etter å ha gått ut av realskulen i Trondheim i 1828, reiste Geelmuyden ei par turar til sjøs. I 1830 byrja han på sjøkadettskulen i Fredriksvern og tok offiserseksamen i 1835 og høgskuleeksamen året etter. Frå 1836 var han sekondløytnant i marinen og studerte åra 1838-40 ved bergverket i Falun og kanonstøyping på Finspång og Stavsjö. Frå 1841 underviste han i fleire år i matematikk og navigasjon ved sjøkadettskulen i Fredriksvern til 1852. I 1845 gav han ut Lærebog i Navigationen , eit verk som kom i fleire opplag.
Frå 1852 stod Geelmuyden føre planlegginga av den tekniske skulen i Horten på oppdrag frå marinedepartementet, ein skule der han sjølv fekk stillinga som førstelærar i 1854. I 1872 vart han tilsett som direktør og lærar i matematikk og fysikk ved den nyoppretta tekniske skulen i Trondheim. År 1874 vart han kommandør i marinen, gjorde frå 1876 teneste i marinestaben og vart i 1882 sjef for marineverftet i Horten.
Geelmyuden var stortingsmann i 1857 og deltok på det overordentlege storting i 1858, vald frå Jarlsberg og Larvik amt. I 1864 møtte han på Tinget som varamann i staden for Nils Nilsen Enge. Han var i 1857 medlem av militærkomiteen og sekretær i jarnbanekomiteen, samt komiteen om slottsbygninga. I 1864 var han med i komiteen om løner til hæren. Frå 1877 var han formann i kommisjonen for tilsynet med dampskip. Geelmyuden var ordførar i Horten frå 1857 til 1864.
Kjelder[endre | endre wikiteksten]
Stortingsbiografi Arkivert 2016-03-03 ved Wayback Machine.