Christian Sissener

Christian Sissener
Statsborgarskap	Noreg
Fødd	15. november 1849 Trondheim
Død	4. januar 1903 (53 år) Christiania
Yrke	politikar, proprietær
Språk	norsk
Politisk parti	Høgre

Christian Frederik Møllerop Sissener (15. november 1849–4. januar 1903) var ein norsk godseigar og politikar frå Trondheim. Han var stortingsmann 1898-1900 frå Smaalenene.

Sissener var son til ein infanterioffiser. Sjølv vart han student i 1870 og studerte så jordbruk i nær eit år hos storbonden Arne Omsted i Grue, medan han i 1873/74 gjekk landsbruksskulen på Ås i Akershus.

I 1874 kjøpte Sissener herregarden Tomb i Råde i Østfold, der han sidan budde. Han var heradsstyremedlem 1878-82 og på ny frå 1888; ei tid som varaordførar. Sissener var styremedlem i den lokale sparebanken, i amtet sitt landsbruksselskap og styret i Norges Vel. Han var formann i Norsk meieriforening og Norsk travselskap.

Sissener var valmann 1888, 1891, 1894 og 1897. Fyrst på valtinget 1897 nådde han opp og representerte perioden 1898-1900 Smaalenenes amt og partiet Høgre på Stortinget. Han var medlem i Landbrukskomiteen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914