Deir el Qamar

Deir el Qamar
دير القمر
by
SaidetetTallekirke
Land	Libanon
Guvernement	Libanonfjella guvernement
Distrikt	Chouf distrikt
Koordinatar	33°42′N 35°34′E
Folketal	4 494 (2024)
Tidssone	EET (UTC+2)
- Sommartid	EEST (UTC+3)
Retningsnummer	+961
Deir el Qamar 33.7°N 35.566666666667°E / 33.7; 35.566666666667
Kart som viser Deir el Qamar. Kart som viser Deir el Qamar.
Wikimedia Commons: Deir al-Qamar

Deir el Qamar (arabisk دير القمر, tyder «Måneklosteret») er ein landsby i sør i det sentrale Libanon, fem kilometer frå Beiteddine. Han består av steinhus med raude tak.

Historie

Torget

Frå 1500- til 1700-talet var Deir el Qamar bustad for guvernørane i Libanon. Han er òg kjend for Fakhredinemoskéen frå 1400-talet, Fakhreddinepalasset, og andre historiske palass og administrative bygg. Deir el Qamar-synagoga frå 1600-talet ligg òg i landsbyen, men er lukka for ålmenta. Ein gong var byen senteret for libanesisk litteratur. Han var den første landsbyen i Libanon som hade ein kommune i 1864 og han er fødestaden til mange kjende folk, som kunstnarar, forfattarar og politikarar. Han var hovudstaden i det drusiske kansimatet Libanon (1840-1860).

Deir El Qamar er ein libanesisk by kjend som hovudstaden for emirane. Frå palassa her vart Libanon styrt frå 1500- til 1700-talet. Folk av alle religiøse bakgrunnar levde i fred, og derfor finst det både moské, synagoge og kyrkjer i byen. I 1860 vart Deir El Qamar øydelagd i ein konflikt mellom drusarar og kristne, då byen vart sett i brann. Den franske keisaren Napoleon sendte sju tusen soldatar for å opprette orden og forsvare dei kristne. Dei døde vart gravlade utafor Saydet El Talle-kyrkja (vår frue av åsen). Seinare vart leivningane, av innbyggjarane kalla «martyrane av Deir El Qamar», flytta inn i kyrkja.

I dag er 85 % av innbyggjarane maronittar, og 14 % er gresk-katolikkar.

Kjelder

• Denne artikkelen bygger på «Deir el Qamar» frå Wikipedia på engelsk, den 17. september 2014.
  • Wikipedia på engelsk oppgav desse kjeldene:
• Sunny Land Tours Arkivert 2005-03-14 ved Wayback Machine.
• Libanon fotoguide Arkivert 2005-02-10 ved Wayback Machine.

Bakgrunnsstoff

• Deir el Qamar
• Deir el Qamar-festivalen
• Kunst i Deir el qamar
• Bilete av landsbyen