Det nicaraguanske flagget

Det nicaraguanske flagget blei teke i bruk i Nicaragua den 4. september 1908, men blei først teke i bruk som nasjonalflagg den 27. august 1971. Utforminga av flagget byggjer på flagget til Den mellomamerikanske føderasjonen. Det er vassrett delt i blått, kvitt og blått. I midten av den kvite stripa er det nicaraguanske riksvåpenet.

Det nicaraguanske flagget har mange likskapar med det til El Salvador og det til Honduras, som også har tre vassrette striper i dei same fargane. Desse landa utgjorde saman med Guatemala og Costa Rica den mellomamerikanske føderasjonen frå 1823. Denne unionen hadde frå byrjinga nettopp blått, kvitt og blått i sitt flagg.

Flagget med riksvåpen gjer teneste som nasjonalflagg, handelsflagg, statsflagg og orlogsflagg, men kan også nyttast utan riksvåpen, då som alternativt nasjonalflagg.