Didier Cuche

Frå Wikipedia – det frie oppslagsverket
Hopp til navigering Hopp til søk
Didier Cuche i 2011

Didier Cuche (fødd 16. august 1974) er ein sveitsisk, tidlegare skirennar frå Le Pâquier i Neuchâtel. Han vart verdsmeister i super-G i 2009, i tillegg har han tre sølvmedaljar frå tre ulike internasjonale meisterskap. Cuche vart nummer to i verdscupen i alpint i 2011, og vann utforcupen av verdscupen fire gongar (2007, -08, -10 og -11), medan han i 2009 vann storslalåmcupen og i 2011 også super-G-cupen.

Aktiv[endre | endre wikiteksten]

Cuche slo gjennom i 1998-sesongen, han kom då på åttandeplassen i verdscupen i alpint og vart nummer fire i utforcupen av verdscupen. Kort tid føre vinterolympiaden vann han i Kitzbühel sin fyrste verdscupsiger. Eit høgdepunkt i sesongen fekk også med sølvmedalje i super-G under OL 1998 i Nagano, slått av Hermann Maier og på same tid som Hans Knauß. Dei neste tre sesongane høyrde han med mellom dei beste skialpinistane i verda, men utan å toppe resultatlistene.

I 2002-sesongen vart Cuche nummer tre i verdscupen i alpint, nummer to i super-G-cupen og kom på fjerdeplass i storslalåmcupen. Også 2003-sesongen var ein stor sesong, med tredjeplass i storslalåm- og femte plass i den totale verdscupen.

Cuche var i sine seks siste år som heilt i toppen i verdseliten. I fire sesongar på rad, 2007-10, vart han nummer tre i verdscupen i alpint og i 2011 hadde han berre Ivica Kostelić frå Kroatia føre seg når alle poenga var talde. Utforpokalen i verdscupen fekk han med seg både i 2007, -08, -10 og -11, storslalåmpokalen i 2009, det året han ikkje vann utforpokalen, og super-G-pokalen sikra han seg i 2011.

Cuche tok bronsen i den alpine verdsmeisterskapen i Åre i 2007. To år seinare vann han gull i super-G og sølv i utfor under VM i alpine greiner 2009. I sitt siste verdsmeisterskap, i Garmisch-Partenkirchen i 2011, fekk han sølv i utfor.

Cuche la opp som aktiv skirennar i 2012.

Medaljar og besteplasseringar i internasjonale meisterskap[endre | endre wikiteksten]

  • 1998: Sølvmedalje i super-G og nr 8 i utfor under vinter-OL i Nagano
  • 1999: Nr 8 i super-G under VM i alpint i Vail
  • 2001: Nr 5 i super-G under VM i alpint i St. Anton
  • 2002: Nr 10 i storslalåm under vinter-OL i Salt Lake City
  • 2003: Nr 4 i utfor under alpin-VM i St. Moritz
  • 2006: Nr 12 i super-G under vinter-OL i Torino
  • 2007: Bronsemedalje i storslalåm, nr 4 i super-G og nr 6 i utfor under alpin-VM i Åre
  • 2009: Gullmedalje i super-G, sølvmedalje i utfor og nr 6 i storslalåm under alpin-VM i Val-d’Isère
  • 2010: Nr 6 i utfor under vinter-OL i Vancouver
  • 2011: Sølvmedalje i utfor og nr 4 i super-G under alpin-VM i Garmisch-Partenkirchen

Verdscupsigrar[endre | endre wikiteksten]

Dato Stad Øving
23. januar 1998 Flag of Austria.svg Austerrike Kitzbühel Utfor
5. januar 2002 Flag of Switzerland.svg Sveits Adelboden Storslalåm
7. mars 2002 Flag of Austria.svg Austerrike Altenmarkt-Zauchensee Super-G
8. desember 2002 Flag of the United States.svg USA Beaver Creek Super-G
30. januar 2004 Flag of Germany.svg Tyskland Garmisch-Partenkirchen Utfor
10. mars 2007 Flag of Norway.svg Noreg Kvitfjell Utfor
14. desember 2007 Flag of Italy.svg Italia Gherdëina Super-G
19. januar 2008 Flag of Austria.svg Austerrike Kitzbühel Utfor
4. februar 2009 Flag of France.svg Frankrike Val-d’Isère Super-G
21. februar 2009 Flag of Italy.svg Italia Sestriere Storslalåm
28. november 2009 Flag of Canada.svg Canada Lake Louise Utfor
22. januar 2010 Flag of Austria.svg Austerrike Kitzbühel Super-G
23. januar 2010 Flag of Austria.svg Austerrike Kitzbühel Utfor
6. mars 2010 Flag of Norway.svg Noreg Kvitfjell Utfor
22. januar 2011 Flag of Austria.svg Austerrike Kitzbühel Utfor
29. januar 2011 Flag of France.svg Frankrike Chamonix Utfor
13. mars 2011 Flag of Norway.svg Noreg Kvitfjell Super-G
26. november 2011 Flag of Canada.svg Canada Lake Louise Utfor
21. januar 2012 Flag of Austria.svg Austerrike Kitzbühel Utfor
28. januar 2012 Flag of Germany.svg Tyskland Garmisch-Partenkirchen Utfor
24. februar 2012 Flag of Switzerland.svg Sveits Crans-Montana Super-G

Kjelder og bakgrunnsstoff[endre | endre wikiteksten]