Donovan Bailey

Frå Wikipedia – det frie oppslagsverket
Hopp til navigering Hopp til søk
Donovan Bailey
Asv-koeln-1997-donovan-bailey.jpg
Fødd 16. desember 1967
Manchester Parish

Donovan Bailey (fødd 16. desember 1967) er ein jamaikansk-kanadisk tidlegare friidrettsutøvar, fødd i Manchester på Jamaica, som tevla i sprint. Han representerte Canada då han vart verdsmeister og olympisk meister på 100 meter i 1995 og 1996, og dessutan tok gull i 4 x 100 m stafett i dei same to meisterskapane og i VM 1997. Personleg rekord på 100 meter er 9,84 sekundar.

Aktiv[endre | endre wikiteksten]

Familien utvandra til Canada då han var 13 år gammal. Etter å spelt basketball byrja han å tevle i friidrett i 1991. I 1994 sprang han på det kanadiske laget som vart nummer to i 4 x 100 meter stafett då samveldeleikane fann stad i Victoria i Australia.

Gjennom 1995-sesongen etablerte Bailey seg i verdstoppen på 100 meter. Likevel var det noko overraskande at han vann gullmedaljen på distansen under friidretts-VM i Göteborg 1995, der han fekk med seg landsmannen Bruny Surin til kanadisk dobbeltsiger. På den siste dagen i meisterskapen vann dei to karane gull på 4 x 100 meter stafett, saman med Robert Esmie og Glenroy Gilbert.

Bailey gjentok dobbelttriumfen under sommarleikane 1996 i Atlanta, då han også sette verdsrekord på 100-meteren med tida 9,84 sekundar. Frankie Fredericks tok sølvet med 9,89 og Ato Boldon bronsen på 9,90. I 4 x 100 m stafett sprang Bailey og dei tre andre stafettvinnarane frå Göteborg inn til klar siger etter 37,69 sekundar, USA vart nummer to med 38,05.

Bailey vann sitt tredje VM-gull med Canadas stafettlag i 1997, laget var det same tok VM-gull 1995 og OL-gull 1996, no med Nigeria kom på andreplassen. Tidlegare i verdsmeisterskapen i Aten fekk Bailey sølvmedaljen på 100 meter etter Maurice Greene, Greene fekk notert 9,86 mot Baileys 9,91.

Etter 1997-sesongen heldt ikkje Bailey same nivået som før, og han la bort sprintskorne i i 2001.

Medaljar og plasseringar i internasjonale meisterskap[endre | endre wikiteksten]

  • VM 1995 i Göteborg: Gullmedaljar på 100 m – 9,97, og 4 x 100 m stafett (38,31)
  • OL 1996 i Atlanta: Gullmedaljar på 100 m – 9 ,84, og 4 x 100 m stafett (37,86)
  • VM 1997 i Aten: Sølv på 100 m – 9,91, og gull i 4 x 100 m stafett
  • VM 1999 i Sevilla: Utslått i forsøket på 4 x 100 m stafett
  • OL 2000 i Sydney: Utslått i kvartfinalane på 100 m (nr 40 – 11,36)
  • VM 2001 i Edmonton: Utslått i semifinalane på 100 m (nr 12 – 10,33)

Kjelder[endre | endre wikiteksten]