Eamonn Coghlan
| Eamonn Coghlan | |
.jpg) | |
| Statsborgarskap | Irland |
| Fødd | 21. november 1952 (71 år) Drimnagh |
| Yrke | politikar, langdistanseløpar, mellomdistanseløpar |
| Høgd | 177 centimeter |
| Politisk parti | Fine Gael |
Eamonn Christopher Coghlan (fødd 24. november 1952) er ein irsk politikar og tidlegare friidrettsutøvar frå Dublin Coghland vart verdsmeister på 5000 meter ved friidretts-VM 1983 i Helsinki. Han var medlem av det irske senatet, Seanad Éireann, frå 2011 til 2016.[1]
Idrett
[endre | endre wikiteksten]Coghlan meisterskapsdebuterte internasjonalt med fjerdeplass på 1500 meter under Sommar-OL 1976 i Montreal. To år seinare vann han sølvmedaljen på same distansen under EM 1978 i Praha. Han sette då personleg rekord med 3.36,5 og var i mål sekundet bak briten Steve Ovett. Coghlan studerte og tevla mykje i USA, der han gjorde mange av sine aller beste løp å den engelske mila, og ofte innandørs.
Frå 1980 valde Coghlan å delta på 5 000 meter i dei store internasjonale meisterskapane. I Sommar-OL i Moskva var han med i medaljekampen heilt inn til målstreken, men enda på fjerdeplassen, knapt to sekundar bak vinnaren. Den 19. august 1981 sette han personleg rekord på 5 000 m med 13.19,1 i storstemnet i Zürich.
Coghlan vart i 1983 verdsmeister på 5 000 meter i Helsinki, etter ei fabelaktig sterk avslutning var han nesten to sekundar føre dei andre medaljevinnarane i mål. Han heldt fram å delta i ulike tevlingar i mange år, trass i at han tidvis var plaga med skadar.
Medaljar og plasseringar i internasjonale meisterskap
[endre | endre wikiteksten]- OL 1976 i Montreal: Nr 4 på 1500 m – 3.39,5
- EM 1978 i Praha: Sølvmedalje på 1500 m – 3.36,7, bakom Steve Ovett (3.35,5)
- OL 1980 i Moskva: Nr 4 på 5 000 m – 13.22,7
- VM 1983 i Helsinki: Gullmedalje på 5 000 m – 13.28,5, framom Werner Schildhauer (13.30,2)
- OL 1988 i Seoul: Utslått i semifinalane på 5 000 m – 14.02,1 (=nr 28)
Politikk
[endre | endre wikiteksten]Eamonn Coghlan vart utnemnd til senator av den irske statsministeren Enda Kenny i mai 2011.[2][3] Han sat utan partitilknytting fram til 7. februar 2012, då han blei med i Fine Gael.[4] Ved suppleringsvalet til underkammeret Dáil Éireann i Dublin West i 2014 stilte han til val for Fine Gael, men blei slått ut til fordel for Ruth Coppinger frå Sosialistpartiet.[5][6] Coghlan var senator fram til 2016.[1]
Referansar
[endre | endre wikiteksten]- ↑ 1,0 1,1 Directory of Members, oireachtas.ie
- ↑ Edwards, Elaine (20 May 2011). «McAleese appointed to Seanad». The Irish Times.
- ↑ «Mr. Eamonn Coghlan». Oireachtas Members Database. Henta 29 May 2011.
- ↑ «Senator Eamonn Coghlan joins FG». The Irish Times. 7. februar 2012. Henta 7. februar 2012.
- ↑ O'Connor, Niall (24 May 2014). «FF candidate now a threat to Coppinger as Dublin West 'goes down to the wire'». The Independent. Henta 24 May 2014.
- ↑ «Socialist Party's Ruth Coppinger wins Dublin West byelection». 24 May 2014. Henta 24 May 2014.
Kjelder
[endre | endre wikiteksten]- Denne artikkelen bygger på «Eamonn Coghlan» frå Wikipedia på engelsk, den 11. august 2017.
- Einskildmenn
- Fødde i 1952
- Irske friidrettsutøvarar
- Mellomdistanseløparar
- Langdistanseløparar
- Irske politikarar
- Verdsmeistrar i friidrett for Irland
- Europameistrar i friidrett
- Irske deltakarar under sommar-OL 1976
- Friidrettsutøvarar under sommar-OL 1976
- Irske deltakarar under sommar-OL 1980
- Friidrettsutøvarar under sommar-OL 1980
- Irske deltakarar under sommar-OL 1988
- Friidrettsutøvarar under sommar-OL 1988