Godtfred Holmvang

Frå Wikipedia – det frie oppslagsverket
Hopp til navigering Hopp til søk
Godtfred Holmvang
Gotti (cropped).jpg
Fødd 7. oktober 1917
Stabekk
Død

19. februar 2006
Vancouver

Yrke alpinist, friidrettsutøvar
Godtfred Holmvang på Commons

Godtfred Holmvang (7. oktober 191719. februar 2006) var ein norsk idrettsutøvar og forsikringsmann, fødd i Bærum. Han vart europameister i tikamp under EM i friidrett 1946 i Oslo. Mellom 1939 og 1948 vann han fem NM-titlar i friidrett; tre i tikamp og ein kvar på 110 m hekk og 400 m hekk. Holmvang, som utvandra til British Columbia i Canada og døydde der, var medlem av Tyrving IL.

Idrett[endre | endre wikiteksten]

Holmvang var aktiv i fleire idrettsgreiner. Allereie før andre verdskrigen viste han seg som eit stort friidrettstalent og tok sitt fyrste NM-gull i tikamp i 1939. Han dreiv elles med seglsport og etterkvart også med den ferske idretten ski i alpine greiner.

I 1946 vann han tre gullmedaljar i norske friidrettsmeisterskap. Han sigra i begge hekkeløpa på Bislett stadion og han vann tikampen. Under EM i friidrett 1946, som vart avvikla på nettopp på Bislett stadion i slutten av august månad, stod han for ei stor bragd. Før den avsluttande øvinga i tikampen, 1500-meteren, hadde han minst 14 sekundar å ta inn på leiaren, sovjet-russaren Sergej Kuznetsov. Særleg på den siste runda auka Holmvang forspranget og under stor jubel slo han Kuznetsov med 18 sekundar. «Norge hadde fått sin første europamester i friidrett – og sin første store internasjonale triumf etter krigen.»[1] For dette tikamp-gullet vart han tildelt Morgenbladets Gullmedalje.

Medaljar i norske friidrettsmeisterskap[endre | endre wikiteksten]

  • 1939: Gull i tikamp, sølv på 110 m hekk
  • 1946: Gull på 110 m hekk – 16,0, framom Ole Ofstad (16,0)
    • Gull på 400 m hekk – 57,3, framom Einar Saxhaug (57,3)
    • Gull i tikamp
  • 1947: Sølv på 400 m hekk – 55,7, bakom Ole B. Opsahl (55,6)
  • 1948: Gull i tikamp
    • Sølv på 400 m hekk – 57,0, bakom Ole B. Opsahl (56,4),
    • bronsemedaljar på 110 m hekk (16,0) og lengde (6,65 m)

Holmvang vart tildelt Egebergs ærespris i 1946 for sine prestasjonar i friidrett og på ski. Han gjorde sitt beste NM-renn på Voss i 1947, då han i utfor enda på fjerdeplassen.

Kjelder[endre | endre wikiteksten]

  1. Magnus Breili:Sport i navn & tall, s.276