Gunnar Torvund

Frå Wikipedia – det frie oppslagsverket
Hopp til navigering Hopp til søk
Gunnar Torvund
Fødd 9. juli 1948
Nærbø
Yrke kunstmålar, bilethoggar

Gunnar Torvund (fødd 9. juli 1948) er ein norsk skulptør og biletkunstnar. Han voks opp i Hå kommuneJæren og har utdanning frå kunstakademiet i København og Statens kunstakademi i Oslo.

Formspråket hans har vore mykje inspirert av afrikansk og egyptisk kunst, veldig stilisert. Han hentar mykje symbolikk frå religionen. Eit av temaene hans er reise / livsferd, og mange av arbeida hans har eit veldig lyrisk drag. Ikkje so underleg at han har samarbeidd med lyrikarar som Paal-Helge Haugen og bror sin Helge Torvund. Men meir kjend er han kanskje for utskmykkingar han har laga til kyrkjebygg. Her må nemnast kapellet på Nordkapp, altertavla i Eidsvåg kyrkje utanfor Bergen, eit arbeid som skapte mykje kontrovers i 1982, og Mortensrud kyrkje. Han har også vorte kjend for det han kallar hustavler: Figurar med eit kanskje religøst tilsnitt og som ikkje er tenkte i kyrkjerom. Ofte er det treplater med eit hovud, ei maske eller eit relieff midt i. Dei har eit meditativt preg. Materiala hans har vore til dels utradisjonelle. Ein kan finna bladgull, elfenbein, finer, fjør, lêr, rav, pleksiglas i tillegg til dei meir vanlege som stein og tre.

G.T har motteke fleire stipend, mellom anna Statens arbeidsstipen 1977 til 1980, og garantiinntekt frå 1999. I desember 2007 mottok han Ingeborg og Per Palle Storms ærespris (saman med bilethoggaren Nina Sundbye).

Bakgrunnsstoff[endre | endre wikiteksten]