Halvard Hanevold

Frå Wikipedia – det frie oppslagsverket
Hopp til navigering Hopp til søk
Halvard Hanevold

Halvard Hanevold.JPG

Statsborgarskap Noreg
Fødd 3. desember 1969
Asker
Død

3. september 2019
Asker

Idrett skiskyting
Yrke skiskyttar

Halvard Hanevold (3. desember 19693. september 2019)[1] var ein norsk skiskyttar frå Asker. Han var dobbelt verdsmeister og dobbelt olympisk meister i skiskyting.

Karriere[endre | endre wikiteksten]

Hanevold si karriere profitterte på den radikale forynginga av det norske landslaget vinteren 1994. Sjølv om det ikkje vart nokon suksess i OL på Lillehammer bygde lagleiinga vidare på ungdomen, og i 1995 kunne Hanevold feira sin første verdsmeistertittel i den no avskaffa lagkonkurransen (saman med Frode Andresen, Dag Bjørndalen og Jon Åge Tyldum.) Han betra seg stadig, og har sidan 1996 alltid vore mellom dei 30 beste i verdscupen (beste plassering: 4. plass i 2003/04).

Tidleg i 1998 vann han sin første verdscupsiger i Antholz (Anterselva), to månader seinare vann han overraskande gull på 20 km i OL i Nagano, der han på siste runden tok knekken på italienaren Pier Alberto Carrara. Veka etter kom sølvmedaljen på stafetten. Suksess-sesongen vart komplett med gull i lagkonkurransen i VM.

Frå 1998 til 2000 vann Hanevold fem verdscupsigrar til. I OL i Salt Lake City i 2002 vann han på nytt OL-gull med stafettlaget, men den neste individuelle sigeren kom ikkje før i VM i Khanty-Mansijsk i 2003, der han vann gull på 20 km.

I 2003/04-sesongen vann han i to etterfylgjande renn, kom på sigerspallen fem gonger og vann sølv i stafetten i VM. I VM i 2005 vann han på nytt gull på stafetten (saman med Ole Einar Bjørndalen, Stian Eckhoff og Egil Gjelland. I Torino i 2006 deltok han i sitt fjerde vinter-OL, og tok ein sølv- og ein bronsemedalje.

Hanevold var utdanna sivilingeniør.

Kortfatta merittliste[endre | endre wikiteksten]

(pr. 28. februar 2006)

Kjelder[endre | endre wikiteksten]

  1. Jørnholt, Malin (3. september 2019). «Halvard Hanevold er død». NRK (bokmål). Henta 3. september 2019.