Handveske

Frå Wikipedia – det frie oppslagsverket
Hopp til navigering Hopp til søk
Brun handveske

Ei handveske er ei mindre veske til å bere i handa.[1]

Historie[endre | endre wikiteksten]

Eit tidleg døme på ei veske som kan kallast ei handveske er ei kvinneveske frå Irak frå 1300-talet. Veska er laga av messing med inkrustering av gull og sølv, og er den einaste ein kjenner til i sitt slag.[2][3] Ho kan ha vore laga for ei adelskvinne frå det mongolske Il-Khanid-dynastiet (1256-1353).[4] Veska blei truleg boren for kvinna av ein tenar.[5]

Fransk kvinnemote frå 1830 med pompadur.[6]

I europeisk drakttradisjon brukte ein opphavleg lause lommar eller vesker i tøy eller skinn som ein hang i beltet. Skotsk sporran og norsk bunadveske er døme på dette. På 1700-talet endra moten for kvinner seg til ein slank, straumlinjeforma figur der vesker hengande i livet ikkje passa inn. I staden kunne ein ha ein pompadur ved handleddet. Desse kunne vera av fløyel eller silke og vera fint dekorerte.[7] Menn byrja i staden å få innsydde lommar i buksene.[8]

Samleobjekt[endre | endre wikiteksten]

Handvesker kan vera ettertrakta luksusgjenstandar med høge prisar. Dette gjeld til dømes Birkin-veska frå motehuset Hermès.[9] I 2018 selde auksjonshuset Christie’s eit eksemplar av ei slik veske, som avbilda HImalaya og var pynta med kvitt gull og diamantar, for 267 500 britiske pund.[10]

Kjelder[endre | endre wikiteksten]

  1. «handveske» i Nynorskordboka.
  2. «Fashion in 14th century Mosul: a new exhibition at the Courtauld Gallery - Asian and African studies blog», blogs.bl.uk, henta 28. mars 2020 
  3. «The world's oldest handbag?». BBC News (på engelsk). 21. februar 2014. 
  4. «The Courtauld Metal Bag», The Courtauld Institute of Art (på engelsk), henta 28. mars 2020 
  5. Brown, Mark; correspondent, arts (19. februar 2014). «A handbag? Courtauld Gallery opens up identity of 700-year-old treasure». The Guardian (på engelsk). ISSN 0261-3077. 
  6. «Los Angeles County Museum of Art». Collectionsonline.lacma.org. Arkivert frå originalen 24. oktober 2011. Henta 30. november 2012. 
  7. Hagerty, Barbara G. S. (2002). Handbags: a peek inside a woman's most trusted accessory. Running Press Book Publishers. s. 14–5. ISBN 0-7624-1330-1. 
  8. Burman, Barbara; Turbin, Carole (2003). Material Strategies: Dress and Gender in Historical Perspective. Wiley-Blackwell. s. 83–4. ISBN 978-1-4051-0906-2. 
  9. «Episode 672: Bagging the Birkin», NPR.org (på engelsk), henta 30. juni 2020 
  10. «Want to bag a fashion fortune?», Financial Times, henta 30. juni 2020