Hans Morten Hansen
| Hans Morten Hansen | |||
 | |||
| Fødd | 28. februar 1964 (60 år) | ||
|---|---|---|---|
| Fødestad | Bergen | ||
| Verka som | komikar, skodespelar, influensar | ||
Hans Morten Hansen (fødd 28. februar 1964) er ein norsk komikar og skodespelar. Han debuterte som komikar under den fyrste Humorfestivalen i Stavanger i 1993, og har sidan 1995 hatt dette som yrke. Han er ein av komikarane under paraplyen til Stand Up Norge i Oslo.
Hans Morten Hansen vann Komiprisen 2010 og 2012 i klassen beste standup artist for framsyningane Is this it? og Roper i skogen... Og forventer å få svar.[1][2] Han var òg nominert i same klasse i 2009 for Hansenhjørnet.
Hansen er òg kjent for rolla si som naboen Rolf Gullestad i situasjonskomedie Side om side som gjekk på NRK frå 2013 til 2023, og den sure byråkraten Finn i filmen Trolljegeren frå 2010.
Verdsrekord[endre | endre wikiteksten]
Hansen sette verdsrekord standupkomedie den 20. august 2010, etter å ha halde show i 38 timar og 14 minutt.[3] Han byrja verdsrekordforsøket onsdag den 18. august 2010 kl. 22:00 under Stand Up Festivalen på utestaden Latter på Aker Brygge i Oslo. Komikaren vart halden under oppsyn av komikarkollegaen og lækjaren Jonas Kinge Bergland.[4] Han slo den tidlegare rekorden til den australske komikaren Lindsay Webb[5] med sju minutt, etter å ha halde det gåande til fredag den 20. august 2010 kl. 12:14.[6] Hansen hadde verdsrekorden ein dryg månad før han vart slege av ein amerikansk komikar.[7]
For at Guinness rekordbok skulle godkjenna verdsrekordforsøket, måtte det til kvar tid vera minst 10 tilskodarar til stades og gå minst fire timar mellom gjentakinga av same vits.[4] Han hadde lov til å ha ein pause på fem minutt kvar time,[8] og mogleiken til å spara desse til færre, men lengre pausar.
Kjelder[endre | endre wikiteksten]
- ↑ Grimen, Bjørn (29. august 2010), «Stand-up pris til Hans Morten Hanse», NRK (på norsk bokmål), henta 25. november 2023
- ↑ Hansen, Magne (25. august 2012), «Disse er årets morsomste», NRK (på norsk bokmål), henta 25. november 2023
- ↑ «Nå har Hans Morten Hansen satt verdensrekord», www.vg.no (på norsk bokmål), 20. august 2010, henta 25. november 2023
- ↑ 4,0 4,1 «Komiker stresset før kveldens rekordforsøk», www.vg.no (på norsk bokmål), 18. august 2010, henta 25. november 2023
- ↑ «Arkivert kopi». Arkivert frå originalen 2. oktober 2013. Henta 20. august 2010.
- ↑ Grimen, Bjørn (20. august 2010), «Jubler for verdensrekord», NRK (på norsk bokmål), henta 25. november 2023
- ↑ «Hansen mistet rekorden», www.aftenbladet.no (på norsk bokmål), 24. september 2010, henta 25. november 2023
- ↑ «Satte ny rekord med vitser og gjøn i 38 timer», TV 2 (på norsk bokmål), 20. august 2010, henta 25. november 2023
- Denne artikkelen bygger på «Hans Morten Hansen» frå Wikipedia på bokmål, den 25. november 2023.
Bakgrunnsstoff[endre | endre wikiteksten]
- Hans Morten Hansen ved The Internet Movie Database (IMDb)
- Hans Morten Hansen i Latter.no