Hugla
| Hugla | |
|---|---|
 Nordenden av øya sett frå aust. | |
| Geografi | |
 | |
| Stad | Helgeland |
| Koordinatar | 66°11′14″N 12°55′03″E / 66.18722°N 12.91750°E |
| Areal | 17,9 km² |
| Høgaste punkt | Hugltinden (624 moh.) |
| Administrasjon | |
| Land |  Noreg |
| Fylke | Nordland |
| Demografi | |
| Folketal | 90 |
| Folketettleik | 5,0 /km² |
Hugla (og skrive Hugløy) er ei øy på kysten av Helgeland. Ho ligg i Nesna kommune. Øya er 17,9 km² og det høgaste punktet er Hugltinden som ligg 624 meter over havet. Det er ein relativt stor bestand av elg på øya, og også eit rikt fugleliv med blant anna havørn.
Hugla ligg der Stifjorden møter Ranfjorden. I sørvest ligg øya Løkta i Dønna kommune, i nordaust ligg Handnesøya og i nordvest Tomma.
Øya har om lag 90 fastbuande, busettinga er konsentrert langs austsida av øya. Den viktigaste næringsvegen er jordbruk, men mange dagpendlar òg inn til tettstaden Nesna. Tidlegare var det òg stor sysselsetting ved sildoljefabrikken på Vikholmen. I dag driv Vikholmen utvikling AS (VuAS) produksjon av torskeyngel og settefisk.
Det er ferjesamband til Nesna og øyane Handnesøya og Tomma.
Postnummeret er 8720 Vikholmen.