Torsk

Torsk
Torsk
Utbreiing og status
Status i verda: Sårbar Utbreiinga av torsk
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Strålefinnefiskar Actinopterygii
Orden:	Torskefisk Gadiformes
Familie:	Torskefamilien Gadidae
Slekt:	Gadus
Art:	Torsk G. morhua
Vitskapleg namn
Gadus morhua Linné, 1758

Torsk
Namn på andre språk
Norrønt	þo(r)skr
Nordsamisk	Dorski
Svensk	Torsk
Dansk	Torsk
Engelsk	Cod
Tysk	Kabeljau, Dorsch
Fransk	Morue, cabillaud
Spansk	Bacalao común, bacalao del Atlántico
Russisk	Treska (Треска)

Torskefiletar.

Torsk (Gadus morhua) er den økonomisk viktigaste fisken i torskefamilien. Han sym langs heile norskekysten, det sørlege Barentshavet, Nordsjøen og Skagerrak. Det finst to artar: vandrande oseanisk torsk eller norsk-arktisk torsk, også kalla skrei, og meir eller mindre stadbunden kysttorsk. Fiskenamnet er ei samandraging av 'tørrfisk' (norr. turskr av turrfiskr).

Skildring

Torsken kan bli opptil 150-200 cm lang og vega over 50 kg. Han har tre ryggfinnar, to gattfinnar og ein finne under munnen som minner litt om skjegg.

Fargen på fisken endrar seg med habitatet. I havområde med mykje algar får gjerne skinnet eit raud- eller grønskjer, medan fisk som lever nær botnen eller over sandbotn gjerne blir bleikgrå i fargen.

Dei indre organa til ein torsk.

1: Lever 2: Symjeblære 3: Rogn 4: Blindsekkar 5: Magesekken 6: Tarmen (litt skjult bak rogna)

Fiske

Ein har drive torskefiske langs norskekysten sidan steinalderen. Det er kjent at sjøfarande hadde med seg tørka torsk på lange utferder, og allereie i vikingtida eksporterte nordmenn den tørka fisken til Sør-Europa, særleg til Spania og Italia. Denne handelen har gått føre seg i over tusen år utan brot, og er fortsatt viktig. Tørrfisken blir i første rekke produsert i Lofoten, der fisket etter gytemoden skrei skjer ved byrjinga av kvart år.

Sidan 1970-talet har torskefisket vore regulert i Noreg for å avverja overfiske, men også før denne tida styrte Lofotloven aktiviteten på innersida av Lofoten.

Sjå òg

• Bacalao
• Torskekrigen
• Tørrfisk

Kjelder

• Delar av denne artikkelen bygger på «Torsk» frå Wikipedia på bokmål, den 15. august 2010.

Bakgrunnsstoff

Wikimedia Commons har multimedia som gjeld: Torsk

• Wiktionary-definisjonen på torsk
  Denne biologiartikkelen er ei spire. Du kan hjelpe Nynorsk Wikipedia gjennom å utvide han.