I Can See Your House from Here
| I Can See Your House from Here Studioalbum av Camel | ||
| Språk | engelsk | |
| Utgjeve | 29. oktober 1979 | |
| Innspelt | 1979 | |
| Studio | Farmyard Studios, Little Chalfont, England | |
| Sjanger | Progressiv rock | |
| Lengd | 46:04 | |
| Selskap | Gama/Decca | |
| Produsent | Rupert Hine | |
| Camel-kronologi | ||
|---|---|---|
| Breathless (1978) |
I Can See Your House from Here | Nude (1981)
|
| Meldingar | |
|---|---|
| Karakter | |
| Kjelde | Karakter |
| AllMusic |    [1] |
I Can See Your House from Here er det sjuande studioalbumet til den engelske progressive rockegruppa Camel. Det kom ut i 1979 og introduserte ei ny besetning med dei opphavlege medlemmane Andrew Latimer (gitar) og Andy Ward (trommer) i tillegg til bassisten Colin Bass (som erstatta Richard Sinclair), klaverspelaren Jan Schelhaas (som kom inn i 1978 for Breathless-turneen) og Kit Watkins (tidlegare Happy The Man) som erstatta Dave Sinclair. På eit tidspunkt skulle albumet få tittelen Endangered Species.[2][3]
Innspeling
[endre | endre wikiteksten]Arbeidet med albumet starta sommaren 1979 i samarbeid med produsenten Rupert Hine i Farmyard Studios i Little Chalfont. Innspelinga fann stad i eit landleg herskapshus, som passa bandet bra. Orkesterinnspelingane vart lagt til i AIR Studios i London. Mel Collins (som òg arbeidde med Caravan) spelte saksofon på albumet, medan Genesis-trommeslagaren og vokalisten Phil Collins spelte perkusjon. Andy Latimer var nøgd med sluttproduktet og sa at Hine «var så kjekk å arbeide med, han var verkeleg på og rask. Eg likte å spele inn dette albumet. Me gjorde det ganske kjapt og det vart ikkje ein langtekkeleg produksjon.»
Albumet kom ut i oktober 1979. Det låg tre veker inne på den britiske albumlista seint i oktober og tidleg i november og nådde 45. plassen. Det vart planlagt ein singel frå albumet, men denne vart skrinlagd. I staden gav dei ut ein maxisingel med ein forkorta versjon av «Remote Romance» med B-sida «Rainbow's End» frå Breathless (1978) og ein versjon av «Tell Me», som først kom ut på Rain Dances (1977). Singelen selde ikkje godt. Singelen «Your Love is Stranger than Mine» / «Neon Magic» kom så ut i februar 1980.
Plateomslag
[endre | endre wikiteksten]Plateomslaget var basert på ein vits som var noko populær på den tida, der Jesus medan han heng på krossen kallar på Peter, som med stor vanskar når fram til han. Poenget var at jesus berre ville sei til Peter at han kunne sjå huset hans frå der han stod.
Turné
[endre | endre wikiteksten]Verdsturneen etter albumet byrja 8. oktober i The Dome i Brighton i England, etterfølgd av Frankrike, Tyskland, Sverige, Noreg, Belgia, Spania og enda 29. januar 1980 i Koseinenkinhallen i Tokyo i Japan.
Innhald
[endre | endre wikiteksten]- Side ein
| Nr. | Tittel | Låtskrivar(ar) | Lengd |
|---|---|---|---|
| 1. | «Wait» | Andrew Latimer, John McBurnie | 5:02 |
| 2. | «Your Love Is Stranger Than Mine» | Colin Bass, Latimer, Jan Schelhaas, Andy Ward | 3:26 |
| 3. | «Eye of the Storm» | Kit Watkins | 3:52 |
| 4. | «Who We Are» | Latimer | 7:52 |
| Nr. | Tittel | Låtskrivar(ar) | Lengd |
|---|---|---|---|
| 5. | «Survival» | Latimer | 1:12 |
| 6. | «Hymn to Her» | Latimer, Schelhaas | 5:37 |
| 7. | «Neon Magic» | Latimer, Vivienne McAuliffe, Schelhaas | 4:39 |
| 8. | «Remote Romance» | Latimer, Watkins | 4:07 |
| 9. | «Ice» | Latimer | 10:17 |
| Nr. | Tittel | Lengd |
|---|---|---|
| 10. | «Remote Romance» (singelutgåve) | |
| 11. | «Ice» (konsertopptak frå 1981) | 7:15 |
Medverkande
[endre | endre wikiteksten]- Camel
- Andrew Latimer – gitarar, fløyte, korvokal; autoharpe på «Who We Are»; solovokal på «Who We Are», «Hymn to Her» og «Neon Magic»
- Colin Bass – bass, korvokal; solovokal på «Wait» og «Your Love Is Stranger Than Mine»
- Kit Watkins – Hammond C3-orgel, Solina-synthesizer, Yamaha elektrisk piano, Rhodes elektrisk piano, Moog synthesizer, Minimoog, Hohner Clavinet, Prophet-5, Yamaha CS-80, EMS Sequencer, fløyte
- Jan Schelhaas – Yamaha CS-80, Yamaha elektrisk piano, flygel, Prophet-5, Moog synthesizer, Minimoog, EMS Sequencer
- Andy Ward – trommer, perkusjon
- Andre medverkande
- Mel Collins – altsaksofon på «Your Love Is Stranger Than Mine»
- Phil Collins – perkusjon
- Rupert Hine – korvokal
- Simon Jeffes – orkesterarrangement på «Who We Are» og «Survival»
Kjelder
[endre | endre wikiteksten]- Denne artikkelen bygger på «I Can See Your House from Here» frå Wikipedia på engelsk, den 9. november 2019.
- Wikipedia på engelsk oppgav desse kjeldene:
- ↑ Plichta, Matthew. «Camel - I Can See Your House from Here (1979) album review at AllMusic.com». www.AllMusic.com. Henta 9. november 2019.
- ↑ John Tracy's liner notes on I Can See Your House from Here album's Decca 1989 CD edition
- ↑ Camel - I Can See Your House from Here (1979) album review at www.rajaz.co.uk Arkivert 18. mai 2013 ved Wayback Machine.