Jørgen Holte

Frå Wikipedia – det frie oppslagsverket
Hopp til navigering Hopp til søk
Jørgen Holte
Fødd 16. mai 1944
Yrke politikar

Jørgen Holte (fødd 16. mai 1944) er ein gardbrukar og politikar frå Volda. Han representerte Møre og Romsdal og SenterpartietStortinget i tida 1993-2000.

Holte var odelsgut til farsgarden på Holen i Folkestadbygda i Volda kommune. Etter agronomutdanning 1962-64 ved Lyngdal Jordbruksskole, arbeidde han ved same skulen i åra fram til 1968. Deretter flytta han til Oslo og var seljar for Eiksmaskin. Åra 1970-73 arbeidde han ved Vestlandske Salslag i Ålesund. I 1973 tok han over farsgarden i Folkestadbygda og dreiv denne i fire tiår.

Hausten 1975 vart Holte vald inn i Volda kommunestyre og representerte Senterpartiet i kommunestyret frå 1976 til 1983. Han var fylkesformann 1981-88 Møre og Romsdal Bondelag og 2. nestleiar 1988-93 i Norges Bondelag. Frå hausten 1993 var Holte stortingsrepresentant for Senterpartiet og Møre og Romsdal, medlem 1993–97 i Kyrkje-, utdannings- og forskningskomitéen. Han fekk ikkje fast stortingsplass den neste valperioden, men møtte på Tinget som vararepresentant så leng den fyrste Bondevik-regjeringa varde. Han var då 1997–2000 medlem i Finanskomitéen.

Holte har gjennom åra hatt ei mengd styreverv.

Kjelder[endre | endre wikiteksten]