Jakob Fjelde

Frå Wikipedia – det frie oppslagsverket
Hopp til navigering Hopp til søk
Jakob Fjelde
1st Minnesota Monument Gettysburg.jpg
Fødd 1859
Ålesund
Død

5. mai 1896
Minneapolis

Yrke bilethoggar
Jakob Fjelde på Commons

Jakob Henrik Gerhard Fjelde (10. april 18595. mai 1896) var ein norsk-amerikansk bilethoggar.

Fjelde var fødd og oppvaksen i Ålesund. Han reiste i 1876 til Kristiania (Oslo) og var elev av Brynjulf Bergslien, studerte sidan i København og Roma. Fjelde var sterkast påverka av dansken H.W. Bissen, som han lærte av under opphaldet i den danske hovudstaden. Verka hans er prega av ein slags varsam naturalisme.

Åra 1884-87 budde Fjelde i Bergen. Her laga han bystar i marmor av kjøpmann Christian Sundt og kona hans. Desse finst i Bergens Billedgalleri.

I 1887 utvandra han til US-Amerika, slo seg ned i den unge byen Minneapolis i delstaten Minnesota. Fjelde laga utkast til fleire statuar. Bronsestatua av ei lesande kvinne, Muse of History (1890), står i det offentlege biblioteket i Minneapolis. Også Ole Bull-statuen står i Minneapolis. Denne arbeidde han på då han døydde, statuen vart ferdigstøypt og avduka året etter. Fjelde laga elles fleire portrettbystar, både før han utvandra og ikkje minst i USA.

Fjelde fekk oppdraget med å lage delstaten Minnesota sitt monument til minne om eit regiment frå delstaten som deltok i borgarkrigsslaget ved Gettysburg. Dette soldatmonumentet vart i 1893 utplassert på slagmarka i Gettysburg. Han laga elles bronsegruppa Hiawatha og Minnehaha, men denne vart ikkje støypt og oppsett i Minneapolis før lenge etter Fjelde var komen i grava.

Han døydde i Minneapolis. Herman Fjelde var broren hans.

Kjelder[endre | endre wikiteksten]

  • Norsk Allkunnebok, IV. Bandet. 1952.
  • Norsk Biografisk Leksikon.