Jan Vincents Johannessen
| Jan Vincents Johannessen | |||
 | |||
| Fødd | 25. mai 1941 | ||
|---|---|---|---|
| Nasjonalitet | Noreg | ||
| Yrke | professor, onkolog, kunstnar | ||
| Institusjonar | Norges Tekniske Vitenskapsakademi | ||
| Medlem | Norges Tekniske Vitenskapsakademi | ||
Jan Vincents Johannessen (fødd 25. mai 1941) er ein norsk lækjar (dr.med.), professor i medisin og tidlegare administrerande direktør ved Radiumhospitalet. Johannessen kjem frå Kristiansand. Han har skrive svært mange vitskaplege og populærvitskapelege publikasjonar, hovudsakleg innanfor elektronmikroskopi, patologi og kreftforsking.
Kunsten å leve, med illustrasjonar av Jacob Weidemann og tekstar av Jan Vincents Johannessen, kom ut i 1993 og vart med 135 000 selde eksemplar den mest selde gåveboka i Noreg gjennom tidene. Boka kom ut i ei auka og omvølt utgåve i 2007. Johannessen har òg skrive songtekstar til m.a. Melodi Grand Prix og den norske teksten til «Somethin' Stupid» («Forelska») med Tor og Siren Endresen.
Verv
[endre | endre wikiteksten]- 1999–2003 Formann Polyteknisk Forening
Prisar og utmerkingar
[endre | endre wikiteksten]Johannessen har motteke ei rekkje utmerkingar for virket sitt.[1] Han vart i 2002 utnemnd til kommandør av St. Olavs Orden. Johannessen er kommandør av den nederlandske Oranje-Nassau-ordenen, av den svenske Nordstjerneordenen, av den belgiske Kroneordenen og av Forbundsrepublikken Tysklands fortjenstorden. Han er offiser av Republikken Polens fortjenstorden og av Republikken Italias fortjenstorden.
I 1989 vart han heidra med Karl Evangs pris.[2]
Kjelder
[endre | endre wikiteksten]- Omsett frå Wikipedia på bokmål, innhenta måndag 4. januar 2010, klokka 21:18.
Referansar
[endre | endre wikiteksten]- ↑ «Jan Vincents Johannessen», Nordic Light International Festival of Photography.
- ↑ «Karl Evangs pris 1989: Calle Almedal og Jan Vincents Johannessen»[daud lenkje], Helsetilsynet, 24. september 2004.