Jerzy Chromik
| Jerzy Chromik | |
| Statsborgarskap | Polen |
| Fødd | 15. juni 1931 Mysłowice |
| Død |
21. oktober 1987 (56 år) |
| Idrett | friidrett |
| Tok del i |
athletics at the 1960 Summer Olympics – men's 3000 metres steeplechase, athletics at the 1956 Summer Olympics – men's 5000 metres, Cross de L'Humanité, 1958 European Athletics Championships – men's 3000 metres steeplechase |
| Utmerkingar |
Kalos Kagathos |
Jerzy Chromik (15. juni 1931–20. oktober 1987) var ein polsk langdistanseløpar som i tida 1955-58 sette tre verdsrekordar på 3 000 meter hinder og i 1958 vart europameister i øvinga.
Aktiv[endre | endre wikiteksten]
Chromik vart polsk meister på 3 000 m hinder i 1952, 1954, 1956, 1960, 1961 og 1962, samt på 5 000 meter i 1953 og på 10 000 meter i 1955. Han kvalifiserte seg til finalen i 3 000 meter hinder i europameisterskapen 1954 i Bern, men stilte ikkje opp.
Tidleg i august 1955 vann Chromik 5 000-meteren ved ungdomsfestivalen i Warszawa på polsk rekord og årsbeste i verda, 13.55,2. Også andremann, ungararen Sándor Iharos, sette landsrekord. Den 31. august sette Chromik verdsrekord på 3 000 m hinder i Brno. Tida 8.41,2 var ei rekordforbetring på sju sekund. Ti dagar seinare, i Budapest i landskamp mot Polen, forbetra han rekorden til 8.40,2. Sommaren 1956 flytta han sin polske rekord på 5 000 meter til 13.51,0 i Poznan. Han deltok i Sommar-OL 1956, men kom ikkje til finalen på 5 000 m.
2. august 1958 i Warszawa kom Chromik tilbake som verdsrekordhaldar på 3 000 m hinder med eit løp på 8.32,0. 20 dagar seinare gjorde han sitt livs nest beste løp då han på tida 8.38,2 vann gullmedaljen under EM i friidrett 1958 i Stockholm. Korkje i Sommar-OL 1960 eller i EM 1962 makta han kvalifisere seg til finale.
Kjelder[endre | endre wikiteksten]
- World Athletics
- Denne artikkelen bygger på «Jerzy Chromik» frå Wikipedia på tysk, den 4. september 2023.