Johan A. Vikan
| Johan A. Vikan | |
 | |
| Statsborgarskap | Noreg |
| Fødd | 20. april 1912 Stjørdal kommune |
| Død |
16. juli 1997 (85 år) |
| Yrke | politikar, bonde |
| Språk | norsk |
| Politisk parti | Senterpartiet |
Johan Reinert Arnesson Vikan (20. april 1912–16. juli 1997) var ein norsk gardbrukar, organisasjonsleiar og Senterparti-politikar frå Stjørdal.
Far hans var gardbrukar på bruket Østre Vikan i Stjørdal. Etter Sund folkehøgskole og Mære landbruksskole utdanna Vikan seg 1936-39 til landbrukskandidat ved Norges landbrukshøgskole. Der etter var han gardsfullmektig på Mære til han overtok slektsgarden under verdskrigen. Frå 1942 til -52 hadde han også stilling som oppkjøpar for Statens kornforretning i Stjørdalsdistriktet.
Vikan var ordførar i Stjørdal 1952-55 og på ny 1960-61. Då kommunane Stjørdal, Skatval, Lånke og Hegra frå 1962 vart slått saman til storkommunen Stjørdal, vart Vikan vald til å vere den fyrste ordføraren i storkommunen. I 1966 vart han vald til formann i Norges Bondelag, sa då frå seg ordførarombodet. Hausten 1969 gjekk Vikan av som formann i bondelaget, etter han vart vald til stortingsrepresentant for Senterpartiet frå Nord-Trøndelag. Med attval i 1973 vart han verande på Stortinget til 1977, heile tida var han medlem i Finanskomitéen.
Attåt å vere både formanns og nestformann i Norges Bondelag, hadde Vikan ei rad tillitsverv i og kring næringslivet. Mellom anna var han styremedlem i Norges Vel, Gjensidige, Stjørdal Brannkasse, Bøndernes Bank, Husbanken, Folketrygdfondet og Distriktenes utbyggingsfond.