Johan Lindstrøm
| Johan Lindstrøm | |
| Statsborgarskap | Noreg |
| Fødd | 25. november 1893 Lærdal kommune |
| Død | |
| Yrke | arkitekt |
Johan Lindstrøm (25. november 1893–6. mai 1958) var ein norsk arkitekt. Han var frå Lærdal.
Lindstrøm fullførte studiane ved Norges tekniske høgskole i 1921. Han arbeidde deretter som arkitekt i Bergen og oppførte eit stort antall bygningar frå 1920-talet til 1950-talet. Johan Lindstrøm hadde slektsrøtene sine i den gamle hotell- og handelsfamilien på Lærdalsøyri og han var den første som tok opp arbeidet med å få verna det gamle trebygningsmiljøet der. Han var ein sentral skikkelse innanfor den såkalla Bergensskulen av arkitektar på 1930-talet. Desse arkitektane nytta ofte den lokale trebygningskulturen som inspirasjonskjelde. Lindstrøm var oppteken av å vidareføra nasjonal byggeskikk i samtidas arkitektur[1] I 1927 gav han ut boka Tunbrot og nybygnad på Vestlandet som hadde som program å «...vekkje og auke sansen for ein betre byggjemåte i bygdene våre»[2] I 1955 vann han konkurransen om restaurering av Håkonshallen, der store delar måtte gjenreisast etter ein eksplosjonsulykke i 1944. Dette prosjektet vart fullført av sønene hans Jon Lindstrøm og Claus Lindstrøm saman med Peter Helland-Hansen.
Sonen Claus Lindstrøm førte faren sitt arbeid vidare, og han gav i 2004 ut boka Mellom aust og vest : eldre bygninger i Lærdal, Alvheim og Eide, som er eit stort dokumentasjonsverk med registrering og oppmåling av gamle bygningar m.a. i Lærdal.
Bygninger
[endre | endre wikiteksten]- 1926 – Gamlebanken i nyklassisistisk stil i Gamle Lærdalsøyri[3]
- 1957 – Ombygging av Sankt Jetmund kirke
- Utviding av Fjærland kyrkje
- 1936 og 1955 – Restaurering av Leikanger kyrkje
- Ombygging av Gulen kyrkje
- 1954 – Gjenreising av eksteriør av Tollboden i Bergen
Bibliografi
[endre | endre wikiteksten]Bøker
[endre | endre wikiteksten]- 1921 – Lærdalsøren : et centrum for gammel bygningsskik paa Vestlandet (Kristiania: Grøndahl & søn) I fulltekst ved nb.no
- 1927 – Tunbrot og nybygnad på Vestlandet (Oslo: Noregs boklag) I fulltekst ved nb.no [Skriftstyrar: Johan Lindstrøm]
- 1945 – Hus på bygdene (Bergen: Eide) I fulltekst ved nb.no
- 1946 – Lærdal (Oslo: Mittet) I fulltekst ved nb.no
I tidsskrift - eit utval
[endre | endre wikiteksten]Referanser
[endre | endre wikiteksten]- ↑ riksantikvaren.no Lesetips: Arkitekten Johan Lindstrøm
- ↑ Johan Lindstrøm i Fylkesleksikon for Sogn og Fjordane
- ↑ Hotel Grandane
Kjelder
[endre | endre wikiteksten]Bakgrunnsstoff
[endre | endre wikiteksten]- Om Johan Lindstrøm i Lokalhistoriske artiklar Sogn og Fjordane
- Claus Lindstrøm (2011). Arkitekten Johan Lindstrøm. Baskerville. ISBN 978-82-8187-053-6.