Joseph Davison

Frå Wikipedia – det frie oppslagsverket
Hopp til navigering Hopp til søk
Joseph Davison
Fødd1868
Død15. juli 1948 (79 år)
Statsborgar avDet sameinte kongeriket Storbritannia og Irland, Storbritannia
PartiUlster Unionist Party
Yrkepolitikar
MedlemOrangeordenen

Sir Joseph Davison (186815. juli 1948) var ein framståande politikar for Ulster Unionist Party og ein toppleiar for Orangeordenen i Belfast, i Nord-Irland og i Irland sett under eitt. Han var «sir» i heidringa for opninga av parlamentet for Nord-Irland i 1921. I 1923 var Davison kandidat for Ulster Unionist Party i eit suppleringsval til underhuset i Belfastparlamentet frå valkrinsen Vest-Belfast. Det som utløyste suppleringsvalet var dødsfallet til UUP-representanten W.J. Twaddell I det valet vart han slegen av den uavhengige unionisten Philip James Woods.[1]

Joseph Davison var ein aktiv støttespelar for Nord-Irland som etnokrati. I 1933 ytra han fylgjande i den unionistiske Belfastavisa Northern Whig:

...it is time Protestant employers of Northern Ireland realised that whenever a Roman Catholic is brought into their employment it means one Protestant vote less... I suggest the slogan should be 'Protestants employ Protestants'.[2]

I 1935 vart Davison vald til Senatet i Nord-Irland, og var både deputy speaker og deputy leader for det øvste parlamentskammeret i periodar. Davison var og statssekretær for Statsministerens departement frå 1941 til han døydde. Davison var stormeister for Orangeordenen i Belfast og vart stormeister for Orangeordenen i heile Irland frå 1941. Ogso denne rolla hadde han til han døydde i 1948.

Kjelder[endre | endre wikiteksten]

  1. Valresultat frå nettside http://www.election.demon.co.uk/stormont/borough.html Henta 18. juli 2019.
  2. Northern Whig, 28. august 1933.