Kjeld Langeland

Frå Wikipedia – det frie oppslagsverket
Kjeld Langeland
Statsborgarskap Noreg
Fødd 9. august 1920
Bergen
Død

25. januar 1973 (52 år)

Yrke politikar
Språk norsk
Politisk parti Høgre

Kjeld Langeland (9. august 192025. januar 1973) var ein norsk lærar og politikar frå Bergen som representerte Hordaland og HøgreStortinget frå 1965 til han døydde i 1973.

Langeland var son til ein næringsdrivar. Frå 1945 til -49 underviste han ved Danielsens skole i Bergen, der etter var han lærar 1950-53 ved Åsane folkeskule og sidan 1953 adjunkt ved Åsane realskule og gymnas.

Langeland engasjerte seg i lokalpolitikken i Åsane og var medlem i kommunestyret frå 1956 til 1971, ordførar 1960-63. Perioden 1956-60 var han forretningsførar for overformynderiet i Åsane og 1959 formann i skulestyret. Han var medlem i fylkesskulestyret i Hordaland frå 1960 til 1967 og formann 1964-66 i skulenemnda i Hordaland. Då Åsane kommune frå 1972 var slått saman med Bergen kommune, var han medlem i bystyret til han døydde.

Frå hausten 1965 var Langeland stortingsrepresentant frå Hordaland til han døydde vinteren 1973. Alle sesjonane på Stortinget sat Høgre-mannen i Kyrkje- og undervisningskomiteen.

Kjelder[endre | endre wikiteksten]