Konstrakta
| Konstrakta | |||
 | |||
| Fødd | 12. oktober 1978 (45 år) | ||
|---|---|---|---|
| Fødestad | Beograd | ||
| Fødenamn | serbisk-kyrillisk Ана Ђурић Игњатовић | ||
| Opphav | Serbia | ||
| Aktiv | 1998– | ||
| Sjanger | jazz, funk | ||
| Plateselskap | PGP-RTS, Croatia Records | ||
| Verka som | songar-låtskrivar, arkitekt, songtekstforfattar | ||
Ana Đurić (fødd 12. oktober 1978 i Beograd som Ignjatović), kjend under artistnamnet Konstrakta (serbisk-kyrillisk Констракта), er ein serbisk songar og låtskrivar. Ho solodebuterte musikalsk i 2019 med singelen «Žvake». Tre år etter vann ho songtevlinga Pesma za Evroviziju med songen «In corpore sano». Ho representerte Serbia i Eurovision Song Contest 2022 i Torino med same song.
Bakgrunn[endre | endre wikiteksten]
Đurić vart fødd i Beograd i dåverande Jugoslavia, no i Serbia. Ho har drive med musikk sidan ungdomstida og tok artistnamnet Konstrakta som 20-åring då ho studerte arkitektur.[1] Namnet er basert på engelske ordet construct (norsk 'setje saman, byggje'), fordi ho likte å setje saman rytme og musikk på ein nærast matematisk måte.[1]
Konstrakta opptredde regelmessig med den serbiske musikkgruppa Mistakemistake, og i 2007 var ho med på å skipe bandet Zemlja Gruva. Bandet oppnådde stor suksess dei påfølgjande åra i Serbia, gjennom studioalbum som WTF Is Gruvlend? (2010) og Šta stvarno želiš? (2016).[2][3][4]
Fyrst som 41-åring, i 2019, solodebuterte Konstrakta med singelen «Žvake», etterfølgd av «Neam šamana» året etter.[5] I 2022 var ho ein av 36 artistar til å delta i den serbiske songtevlinga Pesma za Evroviziju, der vinnaren fekk representere Serbia i Eurovision Song Contest. Ho deltok med songen «In corpore sano» og vann både jury- og sjåaravrøystinga i finalen laurdag 5. mars 2022. Som vinnar var ho den serbiske representanten i Eurovision Song Contest 2022 i Torino i Italia.[6] I finalen 14. mai kom ho på ein femteplass, som var det beste resultatet til Serbia sidan 2012, då Željko Joksimović enda på tredjeplass.
Kjelder[endre | endre wikiteksten]
- ↑ 1,0 1,1 Sretenović, Katarina. «Ana Đurić: Muzika je najbolja terapija». zena (på serbisk). Henta 6. mars 2022.
- ↑ Sretenović, Katarina. «Ana Đurić: Muzika je najbolja terapija». zena (på serbisk). Henta 6. mars 2022.
- ↑ «Zemlja Gruva - Wtf Is Gruvlend? av Zemlja gruva» (på norsk bokmål). 1. januar 2010. Arkivert frå originalen 6. mars 2022. Henta 6. mars 2022.
- ↑ «Sta Stvarno Zelis? av Zemlja Gruva» (på norsk bokmål). 17. juni 2016. Henta 6. mars 2022.
- ↑ «Konstrakta på Apple Music». Apple Music (på norsk bokmål). Henta 6. mars 2022.
- ↑ «Serbia: Konstrakta will take 'In Corpore Sano' to Italy 🇷🇸». Eurovision.tv (på engelsk). 5. mars 2022. Henta 6. mars 2022.
- Denne artikkelen bygger på «Konstrakta» frå Wikipedia på bokmål, den 1. november 2022.