Lake Hazen

Frå Wikipedia – det frie oppslagsverket
Lake Hazen
innsjø
Land  Canada
Kart
Lake Hazen
81°46′0″ N 70°58′0″ W
Wikimedia Commons: Lake Hazen
Satellittbilete med Lake Hazen nede til venstre

Lake Hazen er ein innsjø nord på Ellesmereøya i Nunavut i Canada. Han er den tredje største innsjøen på kloten nord for polarsirkelen, etter Tajmyr i Russland og Enaresjøen i Finland.

Lake Hazen er 70 km lang og opp til 11 km brei, og dekker ei flatevidd på 542 km². Han ligg på i kring 81° 40' nord og 69° til 73° vest. Innsjøen ligg 158 meter over havet, og er på det djupaste 289 m. Fleire øyar ligg i innsjøen, den største er 7 km lang og knapt kilometeren brei. Innsjøen er islagd om lag ti månader i året. Den arktiske cordilleraen reiser seg over innsjøen. Han får tilsig frå isbrear i det kringliggande Eureka Uplands nord for innsjøen, med opp til 2 500 høge toppar. Innsjøen renn ut i den 15 km lange elva Ruggles River som munnar ut i Chandler Fjord på nordaustkysten av Ellesmereøya. Lake Hazen er innlemma i Quttinirpaaq nasjonalpark.

Leivningar etter Thulekulturen har vorte oppdaga nær Lake Hazen.

Augustus Greely oppdaga innsjøen på sin 1881-83-ekspedisjon.

Kjelder[endre | endre wikiteksten]