Leif Haugen

Frå Wikipedia – det frie oppslagsverket
Hopp til navigering Hopp til søk
Leif Haugen
Statsborgarskap Noreg
Fødd 22. september 1917
Bærum
Død

26. februar 2001

Idrett langrenn
Tok del i

Vinter-OL 1948

Leif Haugen (22. september 191726. februar 2001) var ein norsk langrennsløpar, som vart noregsmeister på tremila i 1948. Han var både fødd og døydde på Lillehammer, og representerte Mesnalien Skilag og seinare Lillehammer Skiklub.

Aktiv[endre | endre wikiteksten]

Haugen deltok på alle tre distansane under NM på ski 1946, der han vart nummer seks, sju og ni på 18 km, 30 km og 50 km. Seinare i sesongen kom han på tredjeplassen på femmila i Holmenkollen, eit slags noregsmeisterskap det og, sidan det var berre nordmenn som stilte til start. Arve Ulseth, som vann rennet, slo Haugen med fem-og-eit-halvt minutt.

I 1947 hadde Haugen framgang i langrennsløypa og fekk bronsemedaljen på 30 km og kom på femteplass på 50 km. På femmila i Holmenkollen vart han nummer fire. Under på NM på ski i 1948 gjekk han på 30-kilometeren sitt livs løp i løypene heime på Lillehammer. Med tida 1.42.48 slo han andremann, Olav I. Hagen, med 1 minutt og 44 sekund. Han deltok for Noreg under vinter-OL 1948 i St. Moritz på 50 km. Etter 40 km passerte han på åttande beste tid, men braut få km seinare.

Haugen deltok i 1950 i sine siste NM-renn og vart nummer fire på 18 km og åtte på 30 km.

Medaljar og besteplasseringar i noregsmeisterskap[endre | endre wikiteksten]

  • 1946: Nr 6 på 18 km
  • 1947: Bronsemedalje på 30 km
  • 1948: Gullmedalje på 30 km på Lillehammer
  • 1950: Nr 4 på 18 km

Kjelder[endre | endre wikiteksten]

  • P.Chr. Andersen:Den nye olympiaboken. 1957