Lewis Gordon Pugh

Frå Wikipedia – det frie oppslagsverket
Gå til: navigering, søk
Lewis Gordon Pugh

Lewis Gordon Pugh (fødd 5. desember 1969 i Plymouth) er ein britisk langdistansesymjar, advokat og eventyrar. Han har mellom anna sumt utanfor Nordkapp, Svalbard, Arktis og Antarktis, og han har sumt Sognefjorden på langs.

Pugh budde sine fyrste 10 år i England, men flytta så med familien til Sør-Afrika. Ein månad etter at han hadde hatt sin fyrste ordentlege symjetime som 17-åring, sumde han frå Robben Island til Cape Town. Ikkje lenge etter sumde han også over den engelske kanal. Han studerte juss ved universitetet i Cape Town og Jesus College i Cambridge, og jobba så som advokat i London, før han for alvor byrja med langdistansesymjing i kalde og vanskelege farvatn.

Pugh er innehaver av den sørafrikanske Ikhamanga-ordenen i gull.

Symjerekordar[endre | endre wikiteksten]

  • 1992: Fyrste symjar over Malawisjøen i Afrika.
  • 1994: Fyrste symjar rundt Afrikas sørlegaste punkt, Kapp Agulhas.
  • 2003: Fyrste symjar rundt Nordkapp i Noreg. Han symja 5 km på 1 time og 4 min.
  • 2004: Fyrste symjar rundt Kapp Det Gode Håp og Kapp-halvøya i Sør-Afrika.
  • 2004: Fyrste symjar langs heile Sognefjorden i Noreg. Fjorden er 204 km lang og han brukte 21 dagar. Han hadde berre på seg badebukse og badehette. For å betre tole det iskalde vatnet hadde han lagt på seg 10 kg før turen.[1]
  • 2005: Verdas nordlegaste symjing, 80° nord. Han sumde 1 km ved Verlegenhuken på Spitsbergens nordspiss.
  • 2005: Verdas sørlegaste symjing, 65° sør. Han sumde 1 km ved Petermann Island i Antarktis.
  • 2006: Verdens lengste symjetur i isvatn. Han sumde 1200 m i Brevatnet ved Nigardsbreen i Noreg.
  • 2006: Sumde heile Themsen på langs. Han sumde 352 km på 21 dagar.
  • 2007: Fyrste symjar over Nordpolen. Han sumde 1 km på 18 min og 50 hundredelssekund i -1,8 - 0 °C.

Referansar[endre | endre wikiteksten]

Kjelder[endre | endre wikiteksten]