Luigi Rossi

Frå Wikipedia – det frie oppslagsverket
Hopp til navigering Hopp til søk
Luigi Rossi
Fødd1597
FødestadTorremaggiore
Død20. februar 1653
DødsstadRoma
Sjangeropera
Instrumentorgel
Stemmetypetenor
Verka somkomponist

Luigi Rossi (159820. februar 1653) var ein italiensk komponist under tidlegbarokken.

Rossi var fødd i Torremaggiore ved Foggia i Kongedømmet Napoli.[1] Han studerte i Napoli under den kjende madrigalkomponisten Giovanni de Macque.[1] Han verka som komponist, songar og luttspelar hjå Medici-fyrstane i Firenze og hjå Borghese-familien og kardinal Antonio Barberini i Roma. Frå 1633 og livet ut var hanorganist ved S. Luigi dei Francesi. [1]

I 1632 skreiv han kantaten Lamento della Regina di Svetia etter at svenskekongen Gustav Adolfs døydde under slaget ved Lützen. Han skreiv også ein kantate då Karl I av England døydde.[1]

I 1641 gjekk han i teneste hjå pave Urban VIII i Roma. Der blei hans første opera, Il palazzo d'Atlante incantato, oppført i 1642. Dei neste åra følgde fleire kantatar og oratorium. Rossi er rekna som ein meister av kantateforma. I alt skreiv han over 250 kantatar. Kammerkantatane hans er rekna som dei beste frå 1600-talet.

Det franske hoffet kalla Rossi til Paris i 1646. Der blei den andre og siste operaen hans, Orfeo, oppført året etter med den berømte kastratsongaren Atto Melani i hovudrolla. Oppføringa la grunnlaget for at at den italienske operaforma fekk fotfeste i Frankrike.

I ei kantatesamling frå 1646 blir Rossi presentert som musikar hjå kardinal Antonio Barberini. Giacomo Antonio Perti omtalte i 1688 dei tre komponistane Rossi, Giacomo Carissimi og Antonio Cesti som «dei tre største lysa i profesjonen vår».

Kjelder[endre | endre wikiteksten]

  1. 1,0 1,1 1,2 1,3 Denis Arnold; Tim Carter. Alison Latham, red. «Rossi, Luigi». The Oxford Companion to Music. Oxford University Press. 

Bakgrunnsstoff[endre | endre wikiteksten]