Martha Wiborg Fleischer
| Martha Wiborg Fleischer | |
| Statsborgarskap | Noreg |
| Fødd | 7. juli 1860 Brevik |
| Død |
18. januar 1957 (96 år) |
| Yrke | skribent, lærar, kjøkkensjef, genealog, restauratør, kokebokforfatter |
| Far | Thomas Johannes Wiborg |
Martha Mathea Wiborg Fleischer (7. juli 1860–18. januar 1957) var ein norsk kokk, slektsforskar, lærar og forfattar som gjorde seg mest merka med vegetariske oppskrifter.[1]
Familie
[endre | endre wikiteksten]Martha Wiborg Fleischer var dotter av kjøpmann, iseksportør, skipsreiar, trelasthandlar, ordførar og stortingsmann Thomas Johannes Wiborg d. e. (1812-1874) og den andre kona hans Karen Mathilde Quinsgård (1830-1867). Ho vart gift 23. juni 1886 i Strømsø kyrkje med politimeister Hans Holmboe Fleischer av slekta Fleischer.
Liv og virke
[endre | endre wikiteksten]I 1878 tok Martha Wiborg Fleischer eksamen ved Nissens skole for voksne damer. I 1878-1881 var ho guvernante på Stein i Bærum, før ho i 1881-1886 var folkeskolelærar i Kristiania. Seinare var ho medarbeidar i fleire aviser og tidsskrift.
Ho var ein ivrig forkjempar for ein sunnare, meir vegetarisk livsstil, og heldt fleire foredrag i folkeakademia over emna Lever vi sundt? I 1914 gav ho ut den vegetariske kokeboka Middag utan kjøtt. Denne kom ut i anna opplag i 1928. I 1916 kjøpte ho Kristiania vegetarsalon (eller Kristiania Vegetar- & Thesalon), som ho sidan drev i ei årrekkje. Salongen hadde tilhald i Lille Grensen 5, og der fekk ein servert lunsj, middag og aftensmat.[2] Salongen var i åra 1920-1928 åstad for øvingane i Bondeungdomslaget sitt musikklag under leiing av Marius Moaritz Ulfrstad.[3]
Fleischer overtok Karen Sophie Høegh sine etterlatne genealogiske oppteikningar, og vidareutvikla desse til boka Slektene Wiborg, Brevik-Kragerø grenen, Schreiner, Esmark, Høegh, som kom ut i 1925.
Bibliografi
[endre | endre wikiteksten]- 1914: Middag uten kjøtt, J. W. Cappelens Forlag (2. opplag 1928)
- 1925: Slektene Wiborg, Brevik-Kragerø grenen, Schreiner, Esmark, Høegh, på bakgrunn av Karen Sophie Høeghs etterlatte genealogiske opptegnelser
Kjelder
[endre | endre wikiteksten]- ↑ Aftenposten 1957.01.19. 1957.
- ↑ Aftenposten 1917.01.04. 1917. s. 8.
- ↑ Bondeungdomslaget i Oslo : 30-årsskrift. [Laget]. 1929. s. 321.
- Denne artikkelen bygger på «Martha Wiborg Fleischer» frå Wikipedia på bokmål, den 15. november 2021.
- Wikipedia på bokmål oppgav desse kjeldene:
- Dette skrev kvinner. Skolen. 1984. s. 67. ISBN 8257900109.
- Fleischer, Martha Wiborg (1925). Slektene Wiborg, Brevik-Kragerø grenen, Schreiner, Esmark, Høegh. Bye.