Mina Hadjian

Frå Wikipedia – det frie oppslagsverket
Hopp til navigering Hopp til søk
Mina Hadjian
Fødd 1975 (46 år)
Teheran Sjå dette på Wikidata
Yrke radioprogramleiar

Mina Helen Hadjian (fødd 10. oktober 1975) er ein norsk programleiar i NRK P3 og NRK2.

Bakgrunn[endre | endre wikiteksten]

Hadjian voks opp i London og på Kråkerøy i Fredrikstad. Ho har studert marknadsøkonomi ved Norges Markedshøyskole i Oslo og Marketing Communications, fransk og italiensk på Greenwich University i London.

Yrkesliv[endre | endre wikiteksten]

Hadjian debuterte på TV den 16. april 2007 i programmet Usett: Mina. Programmet fekk terningkast 1 av VG, som dagen etter skreiv at Mina skulle «tatovere terning-1'eren i rumpesprekken» — eit spark til forfattaren Ari Behn, som hadde fått tatovert eit terningkast 6.

Før NRK P3 var Hiadjian produsent i MTV Europe i London. Ho har og jobba i Kanal 24 og NRJ.

Konfliktar[endre | endre wikiteksten]

I juni 2007 vart Mina felt på fem punkt i Pressens Faglege Utvalg, for hets mot framstegspartipolitikaren Terje Søviknes i samband med eit direkteintervju.

Den 17. oktober 2007 vart det kjend at Mina var blitt sagd opp av NRK. Bakgrunnen var samarbeidsproblem med leiinga og kollegane i NRK. Opseiinga skjedde like etter at Mina skjelte ut P3 og produsenten på direkten da teknikken svikta i den andre halvdelen av det direktesendte programmet «Mina». P3 reagerte først med å fjerne programmet frå resten av veka, men så kom meldinga om at ho fekk sparken.[1]

Fjernsyn[endre | endre wikiteksten]

Hadjian var ein av programleiarane for talkshowet Studio 5 som gjekk på tv-kanalen FEM frå 2008 til 2010.[2]

Hausten 2010 var Hadjian ein av kjendisane i TVNorge sin kjendisversjon av serien 71° nord.

I heile 2013 dreiv Mina Hadjian pilotprosjektet Radio Inside i Halden Fengsel. Radioprogram laga i samband med prosjektet blei sende både innanfor og utanfor fengselet. I november 2013 stifta ho Røverhuset saman med Gyrid Listuen, eit prosjekt ved Oslo Fengsel.

Kjelder[endre | endre wikiteksten]

  1. Børja, Eivind KristensenGeir BarsteinVeslemøy LodeMaria (17. oktober 2007), «P3-ledelsen fikk nok av Mina», Dagbladet.no (på norsk), henta 20. januar 2019 
  2. Dagbladet: Eli Hagen mister jobben

Bakgrunnsstoff[endre | endre wikiteksten]