Mjølberar

Frå Wikipedia – det frie oppslagsverket
Gå til: navigering, søk
Seks mjølberarar i ein amaryllis-blome.

Mjølberar, støvberar eller pollenberar er ein plantedel som produserer pollen. Han er danna av eit meir eller mindre omdanna blad hjå frøplantane. Pollenberarane utgjer såleis den hannlege delen av blomen. Pollenkorna blir danna i eigne behaldarar, pollensekkar, på pollenberarane. Hjå nakenfrøingar sit pollensekkane som oftast i store tal på undersida av meir bladforma pollenberarar, pollenblad. Hjå dekkfrøingar består pollenberarane gjerne av ein stilk, pollentråd, og eit utvida parti i toppen, pollenknapp. Pollenknappen inneheld fire pollensekkar. Når pollenkorna er mogne, sprekk pollenknappen opp, anten med lengdespalter eller hol, og pollenet slepp ut. Hjå nokre plantar, som perikum, har mange pollentrådar vokse saman i buntar, medan knappane er frie. Hjå til dømes korgplantane er pollenknappane voksne smaan til eit rør, medan pollentrådane er frie.

Plantesystemet til Carl von Linné er i første rekke basert på talet på pollenberarar i blomen.

Kjelder[endre | endre wikiteksten]