Mohoua
| Mohoua | |
 Dei tre artane i slekta Litografi av John Gerrard Keuleman, public domain | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Passerimorphae |
| Orden: | Sporvefuglar Passeriformes |
| Familie: | Mohouidae |
| Slekt: | Mohoua Lesson, 1837 |
Mohoua er ei lita slekt av tre fugleartar, alle er endemiske for New Zealand. Det latinske slektsnamnet er henta frå anten 'mohuahua' eller 'momohua', begge er maori-namn for arten gulhovudmohua.[1] Alle tre artane viser ei viss grad av kjønnsdimorfisme i høve til storleik, med hannar som dei største.[2] Mohoua-artane er sosiale fuglar, og mest utanfor hekkesesongen, og beitar vanlegvis i grupper. Somme tider kan dei delta i fleirartsflokkar, og dannar då ofte kjernen i slike flokkar.[1] I motsetnad til dei fleste artane innan plystrarfamilien, er sosial organisering og åtferd godt dokumentert for alle tre Mohoua-artane. Samarbeidande hekking har vorte observert blant alle tre artar og er vanleg hos kvithovudmohua og gulhovudmohua.[1] Dei tre artane i denne slekta er dei einaste vertane for gaukearten langhalekoel. Han fungerer som ein reirparasitt på dei, legg eit eiget gaukeegg i reiret. Etter klekking presser gaukeungen ut andre egg eller ungar, gauken lèt soleis arbeid med ruging av egga sine og omsut for ungane sine over til vertsparet av mohuaer.[2]
Mohoua har uklåre taksonomiske relasjonar,[3] etter Clementslista fram til versjon 6.8 medlem av plystrarfamilien, Pachycephalidae, men etter september 2014 i versjon 6.9 er slekta monotypisk i ein ny familie Mohouidae.[4]
Artslista
[endre | endre wikiteksten]Mohuaer i rekkjefølgje etter EBird/Clements Checklist v2016[5] med norske namn etter Norske navn på verdens fugler:[6]
- Kvithovudmohua, Mohoua albicilla
- Gulhovudmohua, Mohoua ochrocephala
- Pipipi, Mohoua novaeseelandiae
Kjelder
[endre | endre wikiteksten]- Denne artikkelen bygger på «Mohoua» frå Wikipedia på engelsk, den 2. oktober 2012.
Referansar
[endre | endre wikiteksten]- 1 2 3 "Handbook of Australian, New Zealand and Antarctic Birds"; Volume 7, edited by Peter Higgins, OUP, 2000
- 1 2 Barrie Heather og Hugh Robertson, The Field Guide to the Birds of New Zealand (revised edition), Viking, 2005
- ↑ IOC World Bird List har sett inn arten i ein familie 'Incertae Sedis': http://www.worldbirdnames.org/n-lyrebirds.html Henta 2. oktober 2012
- ↑ Clements, J.F.; T.S. Schulenberg; M. J. Iliff; B.L. Sullivan; C.L. Wood; D. Roberson (august 2014), The eBird/Clements checklist of birds of the world: Version 6.9 (CSV), Cornell Lab of Ornithology, henta 11. oktober 2014
- ↑ Schulenberg T.S.; M. J. Iliff; B.L. Sullivan; C. L. Wood; T. A. Fredericks; D. Roberson (august 2016), eBird/Clements Checklist v2016 (CSV), Cornell Lab of Ornithology, henta 28. august 2016
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)