Morbærfamilien

Morbærfamilien
Systematikk
Rike:	Planteriket Plantae
Underrike:	Viridiplantae
Infrarike:	Streptophyta
Overrekkje:	Landplantar Embryophyta
Rekkje:	Karplantar Tracheophyta
Underrekkje:	Frøplantar Spermatophytes
Orden:	Roseordenen Rosales
Familie:	Morbærfamilien Moraceae Gaudich., 1835

Morbærfamilien er ein plantefamilie i ordenen Rosales som omfattar 40 planteslekter og over 1400 artar, fleire av dei viktige nytteartar.

Morbærfamilien er nært i slekt med neslefamilien. Tre og buskar er tofrøblada med spreidde blad, mjølkesaft og einkjønnea, frikrona blomar i rakler eller hovud. Hjå nokre av artane svulmar aksen av blomsterstanden opp og blir kjøtfull, som fiken. Hjå andre blir blomsterdekkblada saftige og kjøtfulle, som morbær.

Bruk

Frå artar i morbærfamilien får ein fruktene morbær, brødfrukt og fiken. Nokre fikenartar kan brukast som prydplantar, som poppelfiken (banyan, Ficus benghalensis), stoveplantar, som bjørkefiken (Ficus benjamina), og bonsai. Blada frå kvitmorbær (Morus alba) vert brukte i silkeproduksjonen som mat for silkeormar.

Kjende slekter

Dei sentrale slektene av morbærfamilien er:

Stamme Artocarpeae Artocarpus – brødfrukttre Batocarpus Clarisia Hullettia Parartocarpus Prainea Treculia

Stamme Castilleae Antiaris Antiaropsis Castilla Helicostylis Maquira Mesogyne Naucleopsis Perebia Poulsenia Pseudolmedia Sparattosyce

Stamme Dorstenieae Brosimum – brødnøttre Bosqueiopsis Dorstenia Helianthostylis Scyphosyce Trilepisium Trymatococcus Utsetela Stamme Ficeae Ficus - fikentre, banyan

Stamme Moreae Bagassa Bleekrodea Broussonetia – papirmorbær Fatoua Maclura Maclura pomifera – «Osage-orange» Milicia Morus – morbærtre Sorocea Streblus Trophis

Kjelder

• «Morbærfamilien» (14. februar 2009), Store norske leksikon. Henta 10. desember 2013.

• Denne artikkelen bygger på «Morbærfamilien» frå Wikipedia på bokmål, den 10. desember 2013.

Bakgrunnsstoff

Commons har multimedium som gjeld: Morbærfamilien