Sentinel Range

Sentinel Range
fjellkjede
Plasseringa til Sentinel Range i Vest-Antarktis
Land	Antarktis
Grensar til	Heritage Range
Stad	Marie Byrd Land
- koordinatar	78°10′S 85°30′W
Høgaste punkt	Vinson Massif
•  høgd	4 892 moh.
- koordinatar	78°31′31.74″S 85°37′01.73″W
Lengd	185 km
Areal	12 000 km²
Administrert under	Antarktistraktaten
Sentinel Range 78.17°S 85.5°W / -78.17; -85.5
Kart som viser Sentinel Range. Kart som viser Sentinel Range.
Sentinel Range (Antarktis)
Wikimedia Commons: Sentinel Range

Sentinel Range er ei stor fjellkjede som strekkjer seg nordover frå Minnesotabreen og utgjer den nordlege halvdelen av Ellsworth Mountains i Antarktis. Fjellkjeda strekkjer seg 185 km frå nord-nordvest til sør-søraust og er 24 til 48 km brei. Fleire av toppane er over 4000 meter over havet og Vinson Massif (4892 moh) sør i fjellkjeda er det høgaste punktet i Antarktis.

Fjellkjeda vart oppdaga og fotografert frå lufta den 23. november 1935 av Lincoln Ellsworth som namngav ho etter den markande plasseringa som eit landemerke i eit elles isdekt landskap. Sentinel tyder «kjennemerke» på engelsk. Fjellkjeda vart først vitja og delvis kartlagd i januar 1958 av laget som kryssa Marie Byrd Land, leia av Charles R. Bentley. Heile fjellkjeda vart kartlagd av USGS frå flyfoto teken av U.S. Navy, 1958-61.

Fjell

Fjell	Meter
Vinson Massif	4892
Mount Tyree	4852
Mount Craddock	4368
Mount Bentley	4245
Mount Ostenso	4180
Mount Giovinetto	4090
Mount Goldthwait	3815
Mount Davis	3800
Mount Dalrymple	3600
Mount Hale	3595
Mount Atkinson	3300
Mount Alf	3200
Mount Milton	3000
Mount Dawson	2695
Mount Ulmer	2775
Mount Levack	2670
Mount Inderbitzen	2600
Mount Segers	2460
Mount Reimer	2430
Mount Schmid	2430
Mount Wyatt Earp	2370

Mount Alf

Mount Alf er eit fjell med ei høgd på over 3200 moh mellom Mount Sharp og Mount Dalrymple nord i Sentinel Range. Det vart kartlagt under Marie Byrd Land Traverse, 1957-58. Det vart namngjeve av Advisory Committee on Antarctic Names (US-ACAN) etter Edward A. Alf, som var meteorolog på Byrd-stasjonen vinteren 1957.

Mount Atkinson

Mount Atkinson er eit markant fjell 6 km vest-sørvest for Mount Craddock. Det vart kartlagt av US Geological Survey (USGS) frå landmålingar og flyfotografi av U.S. Navy, 1957-60. Det vart namngjeve av Advisory Committee on Antarctic Names (US-ACAN) etter Richard C. Atkinson, direktør i National Science Foundation 1977-80.

Mount Bentley

Mount Bentley er eit fjell (4245 moh) 2 nautiske mil nord for Mount Anderson vest i Sentinel Range. Det vart oppdaga under Marie Byrd Land Traverse 1957-58, og kalla opp etter dr. Charles R. Bentley, leiaren under reissa og seismolog ved Byrd-stasjonen, 1957-59.

Mount Dalrymple

Mount Dalrymple er eit fjell mellom Mount Alf og Mount Goldthwait nord i Sentinel Range. Det vart kartlagt under Marie Byrd Land Traverse 1957–58 og vart namngjeven av Advisory Committee on Antarctic Names etter Paul C. Dalrymple, som var meteorolog ved Little America V i 1957 og Amundsen-Scott-stasjonen i 1958.

Mount Davis

Mount Davis er eit fjell som ligg 1,6 km nord for Mount Bentley og 2,4 km søraust for Mount Hale. Det vart oppdaga under Marie Byrd Land Traverse 1957–58, og kalla opp etter Leo E. Davis, som var geomagnetikar og seismolog ved Byrd-stasjonen i 1957.

Mount Dawson

Mount Dawson er eit skarpt, pyramideforma fjell som ligg 4 km nordvest for Mount Reimer. Det vart oppdaga under Marie Byrd Land Traverse Party, 1957–58, og kalla opp etter major Merle R. Dawson (d.1986), USA, leiaren for Army-Navy Trail Party som oppretta ei snørute her frå Little America V til Byrd-stasjonen i november–desember 1956. Han hadde sidan fleire roller i Antarktis.

Mount Giovinetto

Mount Giovinetto er eit fjell (4090 moh) 3,5 km nord for Mount Ostenso langs hovudryggen av Sentinel Range. Det vart oppdaga av under Marie Byrd Land Traverse, 1957-58, og kalla opp etter Mario B. Giovinetto, glasiolog ved Byrd-stasjonen i 1957.

Mount Goldthwait

Mount Goldthwait er eit markant fjell (3815 moh) som ligg 4,5 km sør for Mount Dalrymple. Det vart oppdaga under Marie Byrd Land Traverse Party, 1957–58, og kalla opp etter Richard P. Goldthwait, konsulent og glasiolog under planlegginga for dei amerikanske operasjonane under Det internasjonale geofysiske året og sidan direktør for Polarforskingsinstituttet ved Ohio State University.

Mount Hale

Mount Hale er eit fjell (3595 moh) som ligg 3 km nordvest for Mount Davis langs hovudryggen av Sentinel Range. Det vart oppdaga av under Marie Byrd Land Traverse Party, 1957–58, under C.R. Bentley, og kalla opp etter Daniel P. Hale, polarlysforskar ved Byrd-stasjonen og medlem av traversen.

Mount Levack

Mount Levack er eit fjell som ligg 21 km aust for Mount Ostenso sentralt i Sentinel Range. Det vart først kartlagt av USGS frå landmålingar og flyfoto tekne av U.S. Navy, 1957-59. Det vart namngjeve av US-ACAN etter major Herbert T. Levack, som var med på å opprette Amundsen-Scott-stasjonen 1956-57.

Mount Milton

Mount Milton er eit fjell (3 000 moh) som ligg 17 km sør-søraust for Mount Craddock og 3 km søraust for Mount Southwick i den sørlege delen av Sentinel Range. Det vart først kartlagt av USGS frå landmålingar og U.S. Navy (USN) flyfoto, 1957-59. Det vart namngjeve av US-ACAN etter Patrick G. Milton, flymaskinist i US Navy som var kaptein på ein flytur til desse fjella den 28. januar 1958.

Mount Ostenso

Mount Ostenso er eit fjell (4180 moh) 3,5 km sør for Mount Giovinetto langs hovudkammen av Sentinel Range. Det vart først kartlagt under Marie Byrd Land Traverse Party, 1957–58 leia av C.R. Bentley, og kalla opp etter Ned A. Ostenso, seismolog ved Byrd-stasjonen (1957).

Mount Reimer

Mount Reimer er eit fjell, 2430 moh, nord i Sentinel Range, på sørsida av Newcomerbreen og 8 km sørvest for Mount Warren. Det vart namngjeve av US-ACAN etter John D. Reimer som var flyfotograf på ein flytur over desse fjella 14.-15. desember 1959.

Mount Schmid

Mount Schmid er eit fjell på sørsida av Embreebreen, 8 km aust for Mount Goldthwait. Det vart kartlagt av USGS frå landmålingar and US Navy flyfoto, 1957-59. Det vart namngjeve av US-ACAN etter kaptein Ernest A. Schmid, som deltok i opprettinga av Amundsen-Scott-stasjonen i 1956-57.

Mount Segers

Mount Segers er eit fjell på ein rygg ved austsida av Crosswellbreen, 11 km aust for Mount Tyree, sentralt i Sentinel Range. Det vart oppdaga av ein flytur av US Navy i desember 1959, og kartlagt av USGS frå desse bileta. Det vart namngjeve av US-ACAN etter Chester W. Segers, ein kokk i marinen og medlem av det første laget som overvintrar på Amundsen-Scott-stasjonen i løpet av det internasjonale geofysiske året i 1957.

Mount Ulmer

Mount Ulmer er eit markant fjell som ligg 3,5 km nord for Mount Washburn nord i Sentinel Range. Det vart oppdaga under flyturen til Lincoln Ellsworth 23. november 1935 då han kryssa kontinentet. Han kalla det «Mount Mary Louise Ulmer», etter kona si. Toppen vart identifisert på ny i 1959 av U.S. Navy.

Mount Wyatt Earp

Mount Wyatt Earp er eit hovudsakleg snødekt fjell, 2370 moh ligg 6 km vest-nordvest for Mount Ulmer nord i fjellkjeda. Det vart oppdaga av Lincoln Ellsworth på flyturen hans over kontinentet den 23. november 1935. Det vart namngjeve av US-ACAN etter skipet «Wyatt Earp», nytta av Ellsworth på fire ekspedisjonar til Antarktis mellom 1933 og 1939.

Kjelder

• Denne artikkelen bygger på «Sentinel Range» frå Wikipedia på engelsk, den 25. februar 2013.

 Denne artikkelen inneheld stoff som er offentleg eige frå United States Geological Survey-artikkelen «Sentinel Range» (innhald frå Geographic Names Information System).