Nikolaj Trubetskoj

Frå Wikipedia – det frie oppslagsverket
Hopp til navigering Hopp til søk
Nikolaj Trubetskoj
Nikolai Trubetzkoy.jpg
Fødd16. april 1890
Moskva
Død25. juni 1938
Wien
NasjonalitetDet russiske imperiet, Sovjetunionen
Områdemorfofonologi
Yrkespråkforskar, historikar, universitetslærar, phonologist
InstitusjonarUniversitetet i Wien
Alma materFakultet for historie og filologi ved Universitetet i Moskva
MedlemKoninklijke Nederlandse Akademie van Wetenschappen

Fyrst Nikolaj Sergejevitsj Trubetskoj[1] (16. april 189025. juni 1938), fødd i Moskva; død i Wien, var ein russisk lingvist og etnolog, og ein av grunnleggjarane av Lingvistkrinsen i Praha i 1929.

Biografi[endre | endre wikiteksten]

Trubetskoj høyrde til ein gamal russisk adelsfamilie. Far hans, fyrst Sergej Nikolajevitsj Trubetskoj[2] (1862-1905) var professor i filosofi ved Universitetet i Moskva og rektor same stad. Han byrja tidleg å arbeide med lingvistikk og etnologi. Den fyrste artikkelen hans blei utgjeven i 1905. Frå 1908 til 1913 studerte han ved Universitetet i Moskva og tok doktorgraden i 1913 med avhandlinga Om uttrykk for futurum i dei viktigaste indoeuropeiske språka. I 1916 habiliterte han seg i samanliknande språkvitskap og sanskrit. I 1917 reiste han til Kaukasus, der han blei overraska av oktoberrevolusjonen. I 1918 blei han professor i Rostov-ved-Don[3], og i 1920 emigrerte han, av politiske grunnar, til Bulgaria, der han blei dosent i slavisk filologi ved Universitetet i Sofia[4]. I 1922 blei han kalla til professor i slavisk filologi ved Universitetet i Wien[5]. Han døydde i 1938, kort tid etter at Gestapo hadde forhøyrt han og teke frå han arkivet hans.

Vitskapleg tyding[endre | endre wikiteksten]

Trubetskoj sitt hovudbidrag til lingvistikken høyrer til fonologien, særleg i analysen av fonologiske system i einskildspråk og i arbeidet for å finne generelle og allmenne fonologiske lover. Hovudverket hans var Grundzüge der Phonologie, som kom ut posthumt i 1939.[6] I Grundzüge utvikla Trubetskoj den mest avanserte og fullstendige strukturalistiske fonologiske teorien gjennom tidene. Det er ikkje alltid som lett å skilje synspunkta til Trubetskoj frå dei til venen hans, Roman Jakobson, som gjorde fonologien Lingvistkrinsen i Praha vidare kjend etter Trubetskojs for tidlege død.

Fotnotar[endre | endre wikiteksten]

  1. opphavleg russisk Николáй Сергéевич Трубецкóй, tysk Nikolai S. Trubetzkoy
  2. kyrillisk Сергéй Никола́евич Трубецкóй
  3. russisk Росто́в-на-Дону́ Rostov-na-Donu
  4. bulgarsk Софийски университет Sofijski universitet
  5. tysk Universität Wien
  6. N. S. Trubetzkoy 1939. Grundzüge der Phonologie. (Cercle linguistique de Prague 7.) Prague : Le Cercle. Seinare opplag utgjevne av Vandenhoeck & Ruprecht, Göttingen.