Odd Wang Sørensen

Frå Wikipedia – det frie oppslagsverket
Hopp til navigering Hopp til søk
Odd Wang Sørensen
Fødd 22. desember 1922
Fredrikstad
Død

10. april 2004
Sarpsborg

Yrke fotballspelar

Odd Wang Sørensen (22. desember 192210. april 2004) var ein norsk landslagsspelar i fotball frå Borge i Østfold. I tida 1947-55 spelte han 25 landskampar og skåra 17 mål. Han vart cupmeister med IL Sparta i 1952. Sørensen «var en ypperlig angrepsleder med stor gjennombruddskraf. Han «var sikker i situasjonsbedømmelsen, hurtig og meget brysom for et hvilket som helst forsvar - og en goalgetter av rang».

Karriere[endre | endre wikiteksten]

Klubbspel[endre | endre wikiteksten]

Sørensen spelte i alle år for IL Sparta i Sarpsborg, eit arbeidaridrettslag som hevda seg i landstoppen i det fyrste tiåret etter 2. verdskrigen. Våren 1948 møtte Sparta trondheimsklubben Freidig til finalen i Noregsserien, forløparen til Hovudserien, og tapte 1-2. Perioden 1948-54 var Sparta eit av dei beste laga i Hovudserien, utan at det makta å nå seriefinalen. Frå 1946 til 1954 nådde Sparta kvartfinalane i cupmeisterskapen annakvart år. I 1952 tok laget seg sågar heilt til NM-finalen, der Sparta slo overraskingslaget Solberg IL med 3-2 og vart noregsmeister. Sørensen la opp i 1957.

Landslagsspel[endre | endre wikiteksten]

Midtspissen Sørensen er særleg kjend for innstasen i landskampen mot USA 6. august 1948. På heimebane i Oslo skåra han fem av måla då Noreg vann 11-0, ein prestasjon ingen annan norsk landslagsspelar har gjort han etter. Ein månad seinare skåra han begge måla då Noreg sigra med 2-0 over Finland i den nordiske meisterskapen. Også fire år seinare skåra han to mål mot Finland i ein landskamp i nordisk meisterskap. I sine seks siste landskampar skåra han ikkje, og enda med 17 landslagsmål på 25 kampar. Gullklokka for 25 kampar fekk han 25. mai 1955, i ein landskamp på heimebane som enda med tap 1-3 mot Irland.

Merittar[endre | endre wikiteksten]

  • Cupmeister 1952 med Sparta

Kjelder[endre | endre wikiteksten]

  • Magnus Breili: Fotballboken. 1967