Olaf Watnebryn

Frå Wikipedia – det frie oppslagsverket
Hopp til navigering Hopp til søk
Olaf Watnebryn
Regjeringen Lyngs siste dag fra debatten i Stortinget - L0022 368bFo30141605120131.jpg
Fødd 4. november 1908
Død

6. juni 1977

Yrke politikar
Olaf Watnebryn på Commons

Olaf Fredrik Watnebryn (4. november 19086. juni 1977) var ein norsk arbeidar, politikar og byråkrat frå Drammen. Han representerte ArbeidarpartietStortinget i tida 1945-65

Watnebryn var son til ein industriarbeidar. Frå 1927 til -36 var han trådtrekkar ved A/S Norsk Kabelfabrikk. Han fekk så arbeid som skatteinnkrevjar ved kemnerkontoret i heimbyen, ei stilling han formelt hadde til 1963. Under verdskrigen var han aktiv i motstandsrørsla og sat 1944-45 i fangenskap.

Watnebryn var medlem i bystyret i Drammen frå 1934 til -40 og på ny 1945–47. Hausten 1945 vart han vald til stortingsrepresentant frå kjøpstadene i Buskerud fylke, attvald i 1949. Frå 1954 til 1965 representerte han Buskerud fylke, ettersom ordninga med eigne valkrinsar for byane var avvikla. I alle år var han vald på Arbeidarpartiet sitt program. På Stortinget var han 1945-49 medlem og 1950-57 nestformann i Militærkomiteen. Dei to siste valperiodane, 1958-61 og 1961-65, var han formann i Skog-, vassdrags- og industrikomiteen, og samstundes nestleiar i Arbeidarpartiet sitt gruppestyre på Stortinget.

I 1963 vart Watnebryn utnemnd til fylkesmann i Buskerud, ein posisjon han hadde til han døydde i 1977.

Kjelder[endre | endre wikiteksten]