Olav Lofthus
| Olav Lofthus | |
| Statsborgarskap | Noreg |
| Fødd | 8. oktober 1847 Ullensvang |
| Død |
10. august 1894 (46 år) |
| Yrke | redaktør |
| Medlem av | Norsk Kvinnesaksforening |
Olav Lofthus (8. oktober 1847–10. august 1894) var ein norsk målmann og redaktør.
Lofthus vart fødd i Ullensvang i 1847. Han vart uteksaminert frå lærarskulen på Stord. Lofthus skaffa seg i tillegg store kunnskapar ved sjølvstudium. Han arbeidde for folkeopplysning i bygdene m.a. gjennom folkehøgskulen. Han dreiv folkehøgskule i Vikøy saman med presten Unger, og seinare på Halsnøy saman med Wollert Konow (SB) og Niels Juel. Frå 1870 skreiv han i Bergens Tidende, to år seinare vart han medredaktør i avisa. Han beheldt denne stillinga til han døydde.
Lofthus var venstremann og ein av stiftarane av Bergens venstreforening. Han var også med i Vestmannalaget. Som høvesdiktar vart han mykje nytta. Posthumt kom i 1894 samlinga Sange og Digte, utgjeven av Bolette C. Pavels Larsen.
Olav Lofthus, som døydde i Bergen, var far til målaren Arne Lofthus.