Ole Konrad Ribsskog

Frå Wikipedia – det frie oppslagsverket
Hopp til navigering Hopp til søk
Ole Konrad Ribsskog
Ole Konrad Ribsskog (RR-00434 01 1).jpg
Fødd 8. desember 1865

Flatanger

Død 26. januar 1941
Trondheim
Parti Arbeidarpartiet
Verv Ordførar i Trondheim
 - periode 1917–1919
 - føregangar Odd S. Klingenberg
 - etterfylgjar Einar Dahl

Ole Konrad Ribsskog (8. desember 186526. januar 1941) var ein norsk skulemann og politikar som representerte ArbeidarpartietStortinget valbolken 1913-15.

Ribsskog var son til ein gardbrukar i Flatanger i Nord-Trøndelag. Han vart utdanna lærar frå Klæbu seminar i 1887, og arbeidde som lærar og kyrkjesongar i Flatanger, Spydeberg og Drøbak til han i 1893 vart tilsett ved folkeskulen i Trondheim. Frå 1918 var han skuleinspektør i Trondheim kommune. Han var medforfattar til Trondhjems folkeskoles historie 1754-1911.

Ribsskog var perioden 1913-15 innvald på Stortinget frå valkrinsen Bakklandet i Trondheim. Åra 1917–19 var han den fyrste Arbeidarparti-ordføraren i Trondheim, medlem av formannskapet var han frå 1907. Han var medlem av den statlege Skulekommisjonen av 1920. Ved kløyvinga av Arbeidarpartiet i 1921 melde han seg inn i Norges Socialdemokratiske Arbeiderparti, og var med i det partiet til partisamlinga i 1927.

Kjelder[endre | endre wikiteksten]