Ole Olsson Teslien
| Ole Olsson Teslien | |
| Statsborgarskap | Noreg |
| Fødd | 1770 |
| Død | |
| Yrke | bonde, politikar |
| Språk | norsk |
Ole Olsson Teslien (1770–21. mai 1851) var ein norsk lærar og gardbrukar frå Røros i Sør-Trøndelag. Han var stortingsmann i ein periode.
Far til Teslien var fyrst gardbrukar i Røros, sidan i Strinda. Sjølv var han ei tid lærar i Røros og gardbrukar på Ormhaug. I 1802 kjøpte han garden Overvik i Strinda. Omkring 1810 vart han eigar av eit bruk på garden Teslien i same heradet. Busett på Teslien frå omkring 1819. Han var medlem av styret for Selskapet for Strinden prestegjelds vel, og var medlem av bygdekommisjonen som styrte med skule- og fattigstellet i Strinda.
Teslien var valmann fleire gongar, mellom anna ved valet til riksforsamlinga i 1814. Han var sjølv 2. representant frå Søndre Trondhjems amt på Stortinget i 1818. På tinget var han medlem av 16 komitear, mellom dei komiteane om sal av benefisert gods, allmugeskulelova, sagbruksprivilegiar, Røros koparverk og fleire komitear om bank- og pengestellet. I 1818 deltok han i deputasjonen som Stortinget sende til kroninga av Karl III Johan av Noreg i Trondheim.
Han døydde på garden sin i Strinda i 1851.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914, Kristiania, 1914
- Biografisk informasjon om Ole Olsson Teslien NSD Norsk senter for forskningsdatas politikararkiv