Oppenheim

Oppenheim
	Horisonten til
Byvåpen	Plassering
Styresmakter
Land ; Delstat ; Regierungsbezirk‎ ; Landkreis	Tyskland ; Rheinland-Pfalz ; {{{region}}} ; Mainz-Bingen
Geografi
Flatevidd; - By	; 7.09 km²
Innbyggjarar ; - By (2006-12-31)	; 6854
Koordinatar	49°51′20″N 08°21′37″EKoordinatar: 49°51′20″N 08°21′37″E
Høgd over havet	100 m
Tidssone ; - Ved sommartid	CET (UTC+1) ; CEST (UTC+2)
Diverse annan informasjon
Postnummer	55276
Telefon-retningsnummer	06133
Bilnummer	MZ
	Heimeside: www.stadt-oppenheim.de

For andre tydingar av oppslagsordet, sjå Oppenheim (fleirtyding).

Oppenheim er ein by i distriktet Mainz-Bingen i Rheinland-Pfalz i Tyskland. Byen er ein velkjend vinby i vindistriktet Rheinhessen og det ligg eit vinmuseum i byen. Byen ligg ved Rhinen mellom Mainz og Worms.

Som landsby vart staden først nemnd i 765. I 1008 fekk Oppenheim marknadsrettar og i 1076 var han viktig under investiturstriden. Eit møte mellom fyrstane i Trebur og Oppenheim kalla fyrstane inn kong Henrik IV for å gjere hans «Kanossagang». Etter at Oppenheim vart gjeven attende til Riket i 1147 vart han i 1225 ein fri keisarby under Staufer-keisaren Fredrik II.

På 1300-talet vart byen underlagd Kurfyrstedømet Mainz og frå 1398 høyrte han til Kurfyrstedømet Pfalz.

Den 14. september 1620 erobra spanske soldatar byen i trettiårskrigen. Spanjolane okkuperte byen fram til 1632. I 1688 erobra franske soldatar byen i niårskrigen (1688–1697). Byen vart verande under kurfyrstedømet Pfalz fram til 1797. Etter ha kome inn under franskmennene gjekk Oppenheim i 1816 til storhertugdømet Hesse-Darmstadt, noko han var fram til 1945.

I mars 1945 klarte amerikanske soldatar å krysse Rhinen og ta og halde byen.