Pakora
Pakora eller pakoda (hindi पकोड़ा, urdu پکوڑا [pakōṛā], pl. पकोड़े [pakōṛē]) er ein indisk matrett som blir laga ved dypping av grønsaker eller kjøt i ei røre av kikertermjøl og frityrkokt i vegetabilsk olje. Grønsakslag som ofte blir bruka til pakora er blomkål, løk, aubergin, tomat, potet og spinat, medan kylling er eit vanleg kjøtslag.
Pakora blir gjerne servert som eit lite snacksmåltid, gjerne saman med indisk te, eller som forrett. Retten er ofte ein del av iftar, kveldsmåltidet der ein bryt ramadan-fasta, for sørasiatiske muslimar.
Dei er også utbreidde som snøggmat i Storbritannia, der dei finst både i indiske restaurantar og i andre matutsal, som kioskar og matbutikkar. I Skottland er det til og med utvikla ein haggis-pakora.
Japansk tempura kan minna litt om pakora, men er mindre krydra.
Kjelder[endre | endre wikiteksten]
Bakgrunnsstoff[endre | endre wikiteksten]
- Oppskrift på laukpakora (engelsk)
- Oppskrift på kyllingpakora Arkivert 2016-03-06 ved Wayback Machine. (engelsk)
Denne matartikkelen som har med India og Pakistan å gjere, er ei spire. Du kan hjelpe Nynorsk Wikipedia gjennom å utvide han.
