Paolo Veronese

Frå Wikipedia – det frie oppslagsverket
Gå til: navigering, søk
Sjølvportrett, 1558-63
Gjestebodet i Levis hus, 1573
Overfallet på Europa, 1581-84

Paolo Caliari (152819. april 1588) , betre kjend som Paolo Veronese, var ein framståande venetiansk renessanseålar. Han var ein av dei største meistrane innan venetiansk målarkunst på 1500-talet. Tilnamnet Veronese fekk han av di han var frå Verona.

Liv og gjerning[endre | endre wikiteksten]

Paolo Veronese studerte i unge år den lokale kunsten i Verona. I 1548 reiste han til Mantova, der han skapte freskar i katedralen i byen. Deretter slo han seg ned i Venezia, der han studerte under Giovanni Francesco Caroto, som også var frå Verona.

Dei fleste av arbeida hans er livfulle, forteljande syklusar, laga i ein dramatisk og fargerik manieristisk venetiansk stil, full av majestetiske, arkitektoniske bygningar og glitrande venetiansk prakt.

Saman med Tizian og Tintoretto er han dei tre store målarane under seinrenessansen i Venezia. Han er kjend som ein stor kolorist og for sine illusjonistiske dekorasjonar i både freskar og oljemåleri. Store bilete av bibelske etegilde måla for bedehus og kloster i Venezia og Verona finst det rett mange av. Han produserte også mange altartavler, historiske og mytologiske måleri, portrett og kompositoriske skisser med penn, vassmåling i blekk, figurstudiar i kritt og chiaroscuro-figurar.

Paolo Veronese kom i alvorleg konflikt med inkvisisjonen for sin måte å framstille religiøse motiv, som om det einast var snakk om festivalscener. Bryllaupet i Kana frå 1563 og Gjestebodet i Levis hus frå 1573 er begge døme på dette. Han vart visstnok sensurert, men hans ry som målar fekk inga større skade.

Han stod i spissen for eit familieatelier som heldt fram aktiviten etter han døydde i Venezia i 1588. Giovanni Antonio Fasolo var mellom dei som gjekk i lære hos Paolo Veronse.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Paolo Veronese