Per Hestetun
| Per Hestetun | |||
| Fødd | 11. august 1877 Årdal kommune | ||
|---|---|---|---|
| Død | 11. september 1928 (51 år) | ||
| Statsborgar av | Noreg | ||
| Parti | Venstre | ||
| Yrke | politikar, bonde | ||
| Alle verv |
| ||
Per Klingenberg Hestetun (11. august 1877–1. september 1928) var ein norsk gardbrukar og politikar frå Årdal som representerte Sogn og Fjordane fylke og partiet Venstre på Stortinget i tida mellom 1922 og 1928.
Karriere[endre | endre wikiteksten]
Hestetun var son til ein gardbrukar i Øvre Årdal i Sogn. Han gjekk kurs på Sogndal Folkehøgskule både 1892/93 og 1896/97. Allereie i 1901 tok han over farsgarden på Hestetun og dreiv denne til han døydde.
Han var ordførar i Årdal herad frå 1908 til 1919. I 1907 tok han initiativet så at Årdal Sparebank vart etablert. Mellom 1912 og 1926 var han styremedlem i sparebanken.
Ved stortingsvalet hausten 1921 vart Hestetun vald til stortingsmann for Venstre i Sogn Fjordane. Han vart sidan attvald både i 1924 og 1927. På Stortinget var han alle sesjonane medlem i Post- og telegrafkomiteen, frå 1925 som nestformann i komiteen til han døydde.
Hestetun omkom i ei fallulukke heime på garden sin, i september 1928. Dermed rykte Jakob A. Lothe inn til fast tingsete for 1929- og 1930-sesjonane.
Kjelder[endre | endre wikiteksten]
- Stortingsbiografi Arkivert 2017-04-05 ved Wayback Machine.