Piqued Jacks
| Piqued Jacks | |||
.jpg) | |||
| Aktiv | 2006– | ||
|---|---|---|---|
| Sjanger | indierock, funkrock, alternativ rock | ||
Piqued Jacks er eit italiensk rockeband skipa i 2006. Det består av Andrea Lazzeretti («E-King», vokal, piano, synthesizer), Marco Sgaramella («Majic-o», gitar), Francesco Bini («littleladle», bass) og Tommi Oliveri («HolyHargot», trommer). Dei representerte San Marino i Eurovision Song Contest 2023 med songen «Like an Animal», etter å ha vunne den sanmarinske songtevlinga Una Voce per San Marino 2023.
Bakgrunn[endre | endre wikiteksten]
Piqued Jacks blei skipa i 2006 i byen Buggiano, nordvest for Firenze.[1] I 2010 og 2011 slapp bandet sine fyrste to EP-ar, og i 2012 jobba dei med den Los Angeles-baserte produsenten Brian Lanese med ein tredje EP, Just a Machine, som blei gjeven ut i januar 2013.[2]
Våren 2014 jobba dei med Matt Noveskey (frå rockebandet Blue October) på singlane «Upturned Perspectives» og «No Bazooka». Det fyrste studioalbumet til Piqued Jacks, Climb Like Ivy Does, kom i 2015, og den akustiske versjonen, Aerial Roots, kom i 2016.
.jpg)
I juni 2018 gav Piqued Jacks ut singelen «Wildly Shine», pre-produsert av Michael Beinhorn (frå Red Hot Chili Peppers og Soundgarden). Same haust kom oppfølgjaralbumet The Living Past, som var produsert av Dan Weller (frå Enter Shikari og Bury Tomorrow). I 2019 vann Piqued Jacks rockeprisen under festivalen Sanremo Rock.[3]
Våren 2020 blei Piqued Jacks ein del av MTV-prosjektet MTV New Generation.[4] I september same år kom singelen «Safety Distance», det fyrste samarbeidet til bandet saman med Brett Shaw (Foals, Florence + The Machine). I mars 2021 kom det tredje studioalbumet Synchronizer, produsert av Julian Emery (Nothing But Thieves, McFly), Brett Shaw og Dan Weller.[5]
I 2023 deltok Piqued Jacks i den andre utgåva av Una voce per San Marino, der vinnaren fekk representere San Marino i Eurovision Song Contest. Dei deltok i tevlinga med låten «Like an Animal» og vann finalen 25. februar 2023. Som vinnarar fekk dei representere San Marino i Eurovision Song Contest 2023 i Liverpool.[6][7] I semifinalen enda dei på delt sisteplass med null poeng og kvalifiserte seg ikkje til finalen.[8]
Medlemmar[endre | endre wikiteksten]
Piqued Jacks har sidan skipinga hatt eit par utskiftingar i besetninga. I 2016 blei trommisen ThEd0g erstatta av Damiano Beritelli, som igjen blei erstatta av HolyHargot i 2017. I april 2019 blei gitaristen Penguinsane erstatta av Majic-o.
- Noverande
- Andrea Lazzeretti («E-King») – vokal, piano, synthesizer (2006–)
- Francesco Bini («littleladle») – bass, støttevokal (2006–)
- Tommi Oliveri («HolyHargot») – trommer (2017–)
- Marco Sgaramella («Majic-o») – gitar, støttevokal (2019–)
- Tidlegare
- Francesco Cugia («Penguinsane») – gitar
- Matteo Cugia («ThEd0g») – bass
Diskografi[endre | endre wikiteksten]
Studioalbum[endre | endre wikiteksten]
- 2015 – Climb like Ivy Does
- 2016 – Aerial Roots
- 2018 – The Living Past
- 2021 – Synchronizer
EP-ar[endre | endre wikiteksten]
- 2008 – Tight-Mess
- 2010 – Momo the Monkey
- 2011 – Brotherhoods
- 2013 – Just a Machine
Kjelder[endre | endre wikiteksten]
- ↑ TV, Real Magic. «PiquedJacks feature on Real Magic TV (RMTV)». www.realmagictv.com. Henta 2. mars 2023.
- ↑ Davis, Michelle (1. desember 2016). «Beyond Buggiano: meet Piqued Jacks». The Florentine.
- ↑ Rock, Sanremo (18. juni 2019). «Tuttii premi della 32^ Edizione!! - Sanremo Rock» (på italiensk). Henta 2. mars 2023.
- ↑ November 2020, 13 (13. november 2020). «IPiqued Jacks atterrano su MTV New Generation». News Mtv Italia. Arkivert frå originalen 23. mars 2023. Henta 2. mars 2023.
- ↑ «CS_Musica, Piqued Jacks: La band toscana pubblica oggi per INRI il nuovo album "Synchronizer". Il 27 marzo lo speciale release party Synchronair.». us7.campaign-archive.com. Henta 2. mars 2023.
- ↑ «PiquedJacks to Eurovision 2023 for San Marino». Eurovisionworld (på engelsk). 26. februar 2023. Henta 2. mars 2023.
- ↑ «SanMarino select Piqued Jacks for Liverpool 2023». eurovision.tv (på engelsk). 26. februar 2023. Henta 2. mars 2023.
- ↑ «SecondSemi-Final of Liverpool 2023 - Eurovision Song Contest». eurovision.tv. Henta 18. mai 2023.
- Denne artikkelen bygger på «Piqued Jacks» frå Wikipedia på bokmål, den 8. desember 2023.