Praktspett

Frå Wikipedia – det frie oppslagsverket
Hopp til navigering Hopp til søk
Praktspett

Status i verda: LC Livskraftig

Melanerpes pulcher nesting.jpg

Systematikk
Rike: Animalia
Rekkje: Chordata
Klasse: Aves
Orden: Piciformes
Familie: Picidae
Slekt: Melanerpes
Art: M. pulcher
Namn på andre språk
  • Engelsk: Beautiful Woodpecker
  • Vitskapleg namn
    Melanerpes pulcher

    Praktspett (Melanerpes pulcher) er ein liten til mellomstor hakkespett som lever i eit avgrensa område i sentrale, nordlege Colombia.

    Skildring[endre | endre wikiteksten]

    Praktspetten har kroppslengd på 17 til 18 centimeter. Som artsnamnet ymtar om er fjørdrakta fargerik, denne arten har kvit rygg og overgump, svarte venger med blåleg glans og svart stjert, eit svart band frå auga bak til skuldrene. Undersida er kvit med svarte tverrstriper, men nederst har han ein raud flekk midt på buken. Hals og brystområdet er i lyst gult. Panna er kvit, krona er kolsvart hos hoer, raud hos hannar, nakken flammeraud med gult nederst hos begge kjønn. Hoer er elles litt mindre enn hannar og har litt kortare nebb. Ein trur begge kjønn kan tromme, dei har eit høgt knirkande læte i tre tonar, men kan òg gje triller.

    Leveområdet for praktspetten er skogshabitat mellom 400 og 1500 moh. Utbreiingsområdet er Magdalena-dalen. Dei er standfuglar.

    Dietten er variert, dei plukkar insekt, biller og larver, termittar og liknande smådyr, men et òg fiken, bananar og andre frukter. Dei kan snappe insekt i flukt.

    Populasjonen har ukjent storleik, men er trudd å vere stabil.

    Kjelder[endre | endre wikiteksten]

    Referansar

    Bakgrunnsstoff[endre | endre wikiteksten]