Prins Eugen

Prins Eugen
Statsborgarskap	Sverige
Fødd	1. august 1865 Drottningholms slott
Død	17. august 1947 (82 år) Hedvig Eleonora församling
Yrke	militær, mesen, grafikar, kunstmålar
Sjanger	landskapsmåleri
Medlem av	Kungliga Vetenskapsakademien, Kungliga Vitterhets Historie och Antikvitets Akademien
Religion	Den evangelisk-lutherske kyrkja
Far	Oskar II av Noreg og Sverige
Mor	Sofie av Noreg og Sverige
Prins Eugen på Commons

Eugen Napoleon Nikolaus (1. august 1865–17. august 1947) var ein svensk og norsk prins og kunstmålar. Han var den yngste sonen til kong Oscar II og Sofia av Nassau, bror til kong Gustav V. Eugen vart ofte omtala som kunstnarprinsen.

Liv og gjerning

Vadstena från Stubbet, 1920

Prins Eugen studerte hos Hugo Salmson i Stockholm og heldt fram med studiane i Paris, mellom andre hos Léon Bonnat. I Frankrike vart han mest inspirert av dei symbolistiske målarane, noko som på 1890-talet syner seg i hans folketomme, «vemodiga landskap» med «själfullt innehåll». Før han kom så langt, måla han i ein meir realistisk stil, til dømes i to norske motiv; Valdreskvinna frå 1889 og Valdres frå året etter.

I Sverige bidrog Eugen til det nasjonale landskapsmåleriet med skildringar av det svenske kulturlandskapet, fremst Södermanland, Stockholm og Österlen. Hans mest kjende måleri, Molnet, måla han i to versjonar, ein i 1895 og den andre i 1896. Allereie i 1893 måla han Det gamla slottet, eit frampeik mot Molnet.

Eugen heldt fram å måle mest heile livet. Han er såleis representert med dekorative veggmåleri på teaterhuset Dramaten og i Stockholms rådhus. Prins Eugen laga altartavla i Kiruna kyrkje og ei altartavle som han gav til Djurgårdskyrkan i Stockholm.

I 1947 vart Eugen tildelt Haakon VIIs Frihetskors «for fremragende fortjenester av Norges sak under krigen».

Kjelder

• Den svenska målarkonstens historia. 2001

Bakgrunnsstoff

Commons har multimedium som gjeld: Prins Eugen