Relikvarium

Relikvarium som inneheld ein heilag drope koagulert blod frå Jesus på ein klump jord henta frå Jerusalem. Relikvariet vert bore i prosesjon i Brugge i Belgia.

Relikvarium, relikvieskrin eller relikviegøyme er eit staseleg utforma skrin eller anna form for hol gjenstand meint for å take vare på relikviane frå eit kristent heilagt menneske (ein helgen), eller for noko som kan knytast til Jesu jordiske liv.

Relikvarium for lekamsdelar frå heilage personar, som føter, hender, hovud og anna, kunne verte utforma i samsvar med dei lekamsdelane dei inneheld.

Relikvarium er òg kjend frå andre religionar enn kristendomen, mellom anna frå buddhismen.

• 
  Armforma relikvarium i Praha frå 1300 – 1400-talet for knoklar etter den heilage Ludmila.
• 
  Hovudforma relikvarium for knoklar etter den heilage Ludmila.
• 
  Relikvarium forma som erkebiskop Sankt Johan II (Иоанн Новгородский) frå Novgorod, avliden 7. september 1186, for å take vare på relikviane etter han.
• 
  Relikvarium som inneheld ein torn frå Jesu tornekrone.
• 
  Døme på buddhistisk relikvarium frå Thailand.

Bakgrunnsstoff

Commons har multimedium som gjeld: Relikvarium