Roger Gjøvaag
| Roger Gjøvaag | |
| Statsborgarskap | Noreg |
| Fødd | 7. september 1956 (67 år) |
| Idrett | friidrett |
Roger Gjøvaag (fødd 7. september 1956) er ein norsk tidlegare friidrettsutøvar frå Trondheim som vart noregsmeister på 3 000 meter hinder i 1983, 1987 og 1988, og i 3 kilometer terrengløp i 1984. Han var medlem i Byåsen IL til 1979, sidan representerte han Strindheim IL og til sist IL i BUL.
Gjøvaag var mellomdistanseløpar før han i 1980 byrja satse på hinderløp. 8.46,8 sende han opp på tredjeplass på statistikken over norsk årsbeste-tid. Han forbetra seg i 1981 til 8.43,2. I 1983-sesongen vann han 3 000 m hinder ved noregsmeisterskapen, og sprang han distansen på 8.38,6 og norsk årsbeste. Gjøvaag gjorde sitt livs beste løp då han, den 27. juni 1986 i Hengelo, vart fjerdemann i tevlinga på tida 8.29,0, like bakom landsmannen Are Nakkim.
Gjøvaag deltok i EM i friidrett 1986. Han rauk ut i kvalifiseringa på tida 8.39,6: 20. beste tid.
Medaljar i noregsmeisterskap[endre | endre wikiteksten]
- 1980 i Bodø: Bronsemedalje i 3 000 m hinder
- 1981 i Haugesund: Sølvmedalje i 3 000 m hinder
- 1983 i Trondheim: Gullmedalje i 3 000 m hinder
- 1984 i Øvre Årdal: Nr 4 i 3 000 m hinder
- 1985 i Bærum: Bronsemedalje i 3 000 m hinder
- 1986 i Sandnes: Sølvmedalje i 3 000 m hinder
- 1987 i Nesbyen: Gullmedalje i 3 000 m hinder
- 1988 på Byrkjelo: Gullmedalje i 3 000 m hinder
- 1989 i Stjørdal: Bronsemedalje i 3 000 m hinder
Gjøvag vann i 1984 NM-gull i 3 km terrengløp, to år seinare tok han sølvmedalje i same. År 1989 enda han på bronseplassen i noregsmeisterskapen i maraton.